අද (28) සවස පැවැත්වීමට නියමිත හදිසි කෘත්යාධිකාරී මණ්ඩල රැස්වීමේදී පක්ෂ නායක රනිල් වික්රමසිංහ මහතාට සමීප පාර්ශවය විසින් නව යෝජනාවක් ගෙනවිත් සම්මත කිරීමට සියලු සැලසුම් සකස් කර ඇති බව දැනගන්නට ඇත.
ඒ අනුව නව සන්ධානයක් ගොඩ නැගීමට කාලය නොමැති බවටත්, නව සලකුණ සම්බන්ධයෙන් මේ වනවිට අර්බුදයක් මතුව ඇති නිසා අලියා ලකුණ යටතේම එක්සත් ජාතික පක්ෂය තරග කළ යතු බවටත් යනාදී වශයෙන් මෙම යෝජනාව ඉදිරිපත් කොට සම්මත කිරීමට වික්රමසිංහ පාර්ශ්වය සැලසුම් කර ඇති බව වාර්තා වේ.
මෙහි මූලික අරමුණ වී ඇත්තේ ප්රේමදාස මහතාගේ ප්රධානත්වයෙන් ලබන සදුදා (02) දින ප්රකාශයට පත් කිරීමට නියමිත නව සන්ධානයට නීතිමය වලංගුභාවයක් ලබා නොදීම බව දැනගන්නට තිබේ.
මෙසේ නව සන්ධානයක් බිහිකිරීමට කෘත්යාධිකාරී මණ්ඩලයේ අනුමැතිය හිමිව නොමැති බව පෙන්වා දෙමින් ඊට එරෙහිව පියවර ගැනීම සදහා මෙසේ වික්රමසිංහ පාර්ශ්වය විසින් පසුබිම සකසමින් පවතින බවද වාර්තා වේ.
කෙසේවෙතත් මීට පෙර කෘත්යාධීකාරී මණ්ඩල රැස්වීමේදී සජිත් ප්රේමදාස මහතාගේ නායකත්වයෙන් නව සන්ධානයක් බිහිකිරීමටත්, එහි මහලේකම් තනතුර ප්රේමදාස මහතා විසින් නම් කරන අයකුට ලබා දීමටත් තීන්දු කර තිබිණ.
