ගුරු අධ්යාපඥ සේවය ඉතා වැදගත් බවත් ගුරු පුහුණුව ලබා දීමේ ක්රියාවලියට මොවුන් විශාල කාර්යභාරයක් ඉටු කළත් ඔවුන්ගේ තනතුරේ 2089ක් සිටිය යුතු වුවත් 2020 ගැසට් නිවේදනයට අනුව පුරප්පාඩු 1090ක් ලෙස සදහන් වී තිබුණත් මේ වන විට සේවයේ යෙදී සිටින්නේ 660ක් බවත් විපක්ෂ නායකවරයා පැවසීය.Sri Lanka Latest News
පුරප්පාඩු 1500ට ආසන්න ප්රමාණයක් තිබිය දී විවෘත ක්රමයට බදවා ගැනීමේ ක්රියාවලිය සිදු කරන්න අධ්යාපන අමත්යවරයා ඇතුළු වගකිවයුතු පාර්ශ්ව අපොහොසත් වී ඇති බවත් 41 ලක්ෂයක් පාසල් දූදරුවන්ගේ අධ්යාපන මට්ටම ඉහළ නැංවීමට නම් මෙකී ගුරු සේවය ප්රශස්ත මට්ටමක තිබිය යුතු හෙයින් මෙවැනි පුරප්පාඩු තබාගෙන ප්රශස්ත අධ්යාපනයක් ලබා දිය නොහැකි හෙයින් සීමිත බදවා ගැනීම් මෙන්ම විවෘත බදවා ගැනීම් සිදු කර මෙකී පුරප්පාඩු සපුරාලන ලෙස ඉල්ලා සිටින බවත් විපක්ෂ නායකවරයා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියෙ ශ්රී ලංකා ගුරු අධ්යාපඥ සේවයේ 3 වන ශ්රේණියට බදවගැනීමේ විභාගය සමත් එකමුතුව සමග විපක්ෂ නායක කාර්යාලයේ දී පැවැති සාකච්ඡාවක දීය.
විවෘත සේවය හරහා 384ත් සීමිත සේවය හරහා 706 බදවා ගැනීමත් එකට යා යුතු බවත් එය වහා ක්රියාත්මක කරන ලෙසත් විපක්ෂ නායකවරයා අදාළ බලධාරීන්ගෙන් ඉල්ලා සිටි අතර මෙහි දී කිසිදු පාර්ශ්වයකට අසාධාරණයක් නොවිය යුතු බවත් විපක්ෂ නායකවරයා පැවසීය.
