යාපනය විශ්වවිද්යාලය සදහා නව උපකුලපතිවරයකු තෝරාගැනීම වෙනුවෙන් ජූලි මස 12 වෙනිදා පැවැත්වෙන සභාවාරයේ සාමාජිකයින්ට නිර්නාමික දුරකතන පණිවුඩ ඔස්සේ මරණීය තර්ජන එල්ල වීමට පටන්ගෙන තිබේ. (Sri Lanka Latest News)
දුරකතන ඇමතුම් ලබාගන්නා ඇතමෙකු ඔවුන් රාජ්ය බුද්ධි අංශයේ නිලධාරීන් බව පවසා මේ අවස්ථාවේදී නව උපකුලපතිවරයා විය යුත්තේ මෙවැනි පුද්ගලයෙකු බවට නම් යෝජනා කරණ බවත්, එය එසේ නොවුවහොත් ආරක්ෂක අංශවලින් විවිධ කරදරවලට මුහුණ දීමට සිදුවිය හැකි බව ප්රකාශ කරන බවත් දුරකතන ඇමතුම් ලැබුණු පිරිස් ප්රකාශ කොට තිබේ.
යාපනය විශ්වවිද්යාලය සඳහා නව උපකුලපතිවරයෙකු තෝරාගැනීමට ලැබුණු අයදුම්පත් අතරින් අවසන් අදියරයට නම් හතරක් යෝජනා වී ඇති අතර, ඊට විශ්වවිද්යාල ප්රතිපාදන කොමිසමේ අනුමැතියද හිමිව තිබේ.
යාපනය විශ්වවිද්යාලයේ පැවැත්වෙන විශේෂ සභාවාරයකින් පසුව එක් අයෙකුගේ නම යෝජනා කොට එය විශ්වවිද්යාල ප්රතිපාදන කොමිසම වෙත යැවීමෙන් අනතුරුව ජනාධිපතිවරයාගේ නිර්දේශය මත උපකුලපතිවරයා තෝරා පත්කර ගනු ලබයි.
ජූලි මස 12 වෙනිදා යාපනය විශ්වවිද්යාලයේදි පැවත්වෙන එම සභාවාරයට සහභාවී වීමට නියමිත සභිකයන්ට මේ අන්දමට නිර්නාමික දුරකතන ඇමතුම් ලබෙන අතර, ඔවුන් මේ සම්බන්ධයෙන් මෙතෙක් ආරක්ෂක අංශවලට පැමිණිලි කොට නොමැත.
යාපනය විශ්වවිද්යාල ඉතිහාසයේ නව උපකුලපතිවරයෙකු තෝරා පත්කර ගන්නා අවස්ථාවක මෙවැනි බලපෑම් හා මරණීය තර්ජන එල්ල වූ පලමු අවස්ථාව මෙය බව යාපනය විශ්වවිද්යාලයීය පාලන අධිකාරියේ නිලධාරියෙකු පැවසීය.
lankasara
