ආණ්ඩුවේ දේශීය ණය ප්රතිව්යුහගත කිරීමේ යෝජනාව හෙට දින සහ අනිද්දා දින පැවැත්වෙන පාර්ලිමේන්තුවේ මුදල් කමිටුවට ඉදිරිපත් කිරීමට ආණ්ඩුව තීරණය කොට ඇත. Sri Lanka Latest News
එහි සභාපති හර්ෂ ද සිල්වා මහතාගේ ප්රධානත්වයෙන් පැවැත්වෙන මුදල් කමිටු රැස්වීමේදී මේ සම්බන්ධයෙන් සාකච්ඡා කිරීමට නියමිතය.
කෙසේවෙතත් දේශීය ණය ප්රතිව්යුහගත කිරීම පිළිබදව මේ වනවිට රට ඇතුළේ විශාල ආන්දෝලනයක් මතුව තිබීම හේතුවෙන් මෙම මුදල් කමිටු රැස්වීමට විපක්ෂනායක සජිත් ප්රේමදාස මහතාද සහභාගී වීමට තීරණය කොට ඇති බවක් සජබ ආරංචිමාර්ග සදහන් කරයි.
ඒ අනුව හෙට සහ අනිද්දා යන දෙදින තුළම විපක්ෂනායකවරයා මෙම මුදල් කමිටු රැස්වීමට සහභාගී වී එහි සිදුවන කටයුතු නිරීක්ෂණය කිරීමට තීරණය කොට ඇති බව වාර්තා වේ.
මීට අමතරව විපක්ෂයේ තවත් මන්ත්රීවරුන් රැසක්ම ඊට සහභාගී වීම සදහා දැනටමත් අවසර ඉල්ලා ඇති බවක්ද දැනගන්නට ඇත.
