දේවගැති ජෙරොම් ප්රනාන්දුට වඩා බුදුදහමට හානි කරන අය සිවුර දාගෙන ශාසනය තුළ සිටින බව ඕමල්පේ සෝභිත හිමි පවසනවා.
“ජෙරම් ප්රනාන්දුට දඬුවම් දිය යුතුයි. ඒක අනිවාර්යෙන් කළ යුතුයි. ඒත් ඊට වඩා සිවුර දාගත්ත ශාසනයට එකතු වූ මේ ශාසනය විනාශ කරන අය ඉන්නවා. ඒ සම්බන්ධයෙන් කිසිම පියවරක් අරගෙන නැහැ. දළදා වහන්සේගේ මිල මුදල් සම්බන්ධයෙන් පොතක් ලියල තියෙනවා. ඒකේ කටයුතු සිදු වන ආකාරය සම්බන්ධයෙන්.
මේ සම්බන්ධයෙන් මහනායක හිමිවරුන් මොනවද කරල තියෙන්නේ. උන් වහන්සේලා මේක දන්නවද. ඒ අයට දුන්න දඬුවම් මොනවද. මේවා බුද්ධ ශාසනයට ගැලපෙනවද. මේව ගැන හොයනවද
මහනායක හිමිවරුන් ගන්නා ලද තීරණය මොකක්ද. ජෙරම්ගෙන් සිදුවන හානියට වඩා හානියක් සිවුර දමාගෙන ශාසනය තුළ ඉන්න උදවියගෙන් සිදු වෙනවා” යි උන්වහන්සේ පැවසූ බව වාර්තා වෙනවා.
