ප්රංශ පොලිසිය මඟින් අත්අඩංගුවට ගැනීමෙන් අනතුරුව මේ වන විට එරට බන්ධනාගාරයක රඳවා සිටින කුඩු අංජු නමැති පාතාල අපරාධකරුව මෙරටට ගෙන්වා ගැනීමට මෙරටින් යොමු කළ යුතු සෑම ලියවිල්ලක්ම ප්රංශයට යොමු කර ඇති බව පොලිස් තොරතුරු අනාවරණය කළේය.
මෙම කටයුත්තේදී ශ්රී ලංකාවේ ප්රංශ තානාපති කාර්යාලයෙන් විශාල සහායක් ලැබී ඇති බව පොලිස් තොරතුරු සඳහන් කළේය.
කුඩු අංජු විසින් මෙතෙක් කර ඇති අපරාධ සහ ඔහු ඩුබායි සහ ප්රංශයේ රැඳී සිටිමින් කළ අපරාධ සම්බන්ධයෙන් ලැයිස්තුවක් පවා සකස් කර ඒ හැම දෙයක්ම සම්බන්ධයෙන් ප්රංශ රජය දැනුවත් කිරීමටද පියවරගෙන ඇත.
ඒ හැරුණු කොට කුඩු අංජු සම්බන්ධයෙන් මෙරට අධිකරණය මඟින් ලබා දී ඇති නියෝග සහ නඩු සම්බන්ධ වාර්තා පවා ප්රංශයට යොමු කර ඇති බවද එම තොරතුරු සඳහන් කළේය.
ප්රංශය සමඟ මෙතෙක් මේ සම්බන්ධයෙන් කර ඇති සාකච්ඡාවලදී ලැබී ඇත්තේ යහපත් ප්රතිචාර බැවින් බොහෝ විට කුඩු අංජුව මෙරටට භාර දීමට ප්රංශය පියවර ගනු ඇතැයි විශ්වාසයක් ඇති බව උසස් පොලිස් නිලධාරියෙක් සඳහන් කළේය.
