හිටපු ජනාධිපති ගෝඨාභය රාජපක්ෂට ලැබුණු 69 සහ 68 ලක්ෂයේ බලයෙන් පාර්ලිමේන්තුවට ආපු තුනෙන් දෙකේ මන්ත්රී කණ්ඩායමක් අද පාර්ලිමේන්තුවේ සිටින බව පාර්ලිමේන්තු මන්ත්රී කාවින්ද ජයවර්ධන පවසනවා. ගෝඨාභය රාජපක්ෂ මහතා ගෙදර ඇරියේ පාර්ලිමේන්තුවේ තුනෙන් දෙකක් ඉන්න මන්ත්රීවරු නොවන බව ඔහු කියනවා.
“මේ රටේ මිනිස්සු තමයි ගෝඨාභය රාජපක්ෂ මහත්මයා ගෙදර ඇරියේ. එතකොට මේ මිනිස්සු වෙනුවෙන් පෙනී සිටින ජනක රත්නායකව එලවන්න දැන් රටේ ජනතාවගෙන් ප්රතික්ෂේප වෙලා ඉන්න මේ ආණ්ඩුවේ උදවියට හැකියාව තියෙනවාද කියන ප්රශ්නය අපි අහනවා. ඒ වගේම මේ රටේ මිනිස්සු වෙනුවෙන් ඉදිරිපත් වන අයව අයින් කරනවා. ආණ්ඩුවට පක්ෂපාතී නොවන, ආණ්ඩුවට එහෙයි කියලා නොකියන අයව එලවන්න මේ අය කටයුතු කරනවා.
වර්තමානයේ විදුලිබිල අඩු කරන්න හදන්නේ 3% කින්. හැබැයි විදුලි බිල සියයට 1100 කට වැඩි ප්රමාණයකින් වැඩි කරල තියෙන්නේ. ඒ කියන්නේ රුපියල් 66 කින්. ඒ තුළ සියයට එක් දහස් ගාණක ලාභයක් සහ මිල වැඩිවීමක් සිදු වුණා. දැන් මේ 3% අඩු කරත් සීයයට අටසියයකට වැඩි ප්රමාණයක් මුලින් තිබුණු අය කරපු ප්රමාණයට වඩා වැඩි වෙලා තියෙනවා. එතකොට මේක පෙන්වා දෙන එකද වරද. ඒ නිසා අපි පැහැදිලිව ආණ්ඩුවට කියනවා මේ විදිහට හැම ආයතනයක්ම දේශපාලනීකරණය කරන්න එපා කියලා” යි මන්ත්රීවරයා සඳහන් කරනවා.
