පාකිස්තානයේ පාර්ලිමේන්තු මන්ත්රීවරියක වන “ජුනූ මොහිෂීන්” ඝාතනය කිරීමේ අරමුණින් නාඳුනන තුවක්කුකරුවන් පිරිසක් පසුගිය දා එල්ලකරන ලද වෙඩි ප්රහාරය සම්බන්ධයෙන් ස්වාධීන පරීක්ෂණයක් පවත්වන ලෙසට මානව අයිතිවාසිකම් පිළිබඳ සංවිධාන කීපයක් ඉල්ලීම් කර තිබේ.
ඇගේ සම්පූර්ණ නම “සෙයිදා මයිමානත් ජුනූ මොහිෂීන්” වුවත් මහජනතාව අතරේ “ජුනූ මොහිෂීන්” වන ඕ ජනමාධ්යවේදිනියක් ද වන්නීය.
වෙඩි ප්රහාරය එල්ලකර ඇත්තේ “ඔක්ක්රා ප්රාද්ශයේ දී ඇය සිය වාහනයේ සිටිය දී බව පාකිස්තාන මාධ්ය පසුගිය සඳුදා නිවේදනය කෙළේය.
සිද්ධිය පිළිබඳ ස්වාධීන විමර්ශනයක් පවත්වා ප්රහාරයට සම්බන්ධ අපරාධකරුවන් වහාම අත්අඩංගුවට ගන්නා ලෙසට ඒ මොහොතේම ජාත්යන්තර ඇමෙනෙස්ටි ආයතනය ඉල්ලා තිබේ.
පාකිස්තානයේ මානව හිමිකම් කොමිසම ද “වහාම අපරාධකරුවන් අධිකරණය හමුවට පමුණුවන ලෙසට බලකර තිබේ.
“ජුනූ මොහිෂීන්” ඇතුළු සමස්ත ජනමාධ්යවේදීනටම එල්ල කෙරෙන තර්ජන දැඩි ලෙස හෙළාදකිමින් පාකිස්තානයේ මානව හිමිකම් කොමිසමද නිවේදනයක් නිකුත් කර ඇත. “අපට සැනසීමකට තියෙන්නේ ඇයට අනතුරක් නොවීම නිසයි.” ඒ නිවේදනයේ සඳහනි.
පාකිස්තානයේ ඩිජිටල් මාධ්ය ආයතනයක් වන “වොයිසෙප්ට්” ආයතනය නාඳුනන තුවක්කු කරුවන් සයදෙනකුට එරෙහිව “හජ්රා ෂා මුකීම්” පොලිස් ස්ථානයේ පැමිණිල්ලක් කිරීමෙන් අනතුරුව දෙදෙනකු අත්අඩංගුවට ගෙන ඇත. එහෙත් සිවු දෙනකු තවමත් නිදැල්ලේය.
ජනමාධ්යවේදීන්ට සහ මානව හිමිකම් ක්රියාකාරීනට එල්ලවන ප්රහාර හෙළාදකිමින් “ජුනූ මොහිෂීන්” මංත්රීවරිය දැනට දින කීපයකට පෙර පාර්ලිමේන්තුවට යෝජනාවක් ගෙනාවාය.
“මාධ්යවේදීන්ටයි, මානව හිමිකම් ක්රියාකාරිකයන්ටයි, මොකද මේ රටේ වෙන්නේ. අපි දීර්ඝ කාලයක් තිස්සේ කළ සටනින් පසුවයි මේ තරම් හෝ සුළු නිදහසක් පවා අප අත්කර ගෙන තියෙන්නෙ” යෝජනාව ඉදිරිපත් කරමින් ඇය පාර්ලිමේන්තුවේ දී කීවාය.
ඇයට හිතවත් මාධ්යවේදීන් වන අබ්සාර් අලාම් සහ අසාඩ් අලි ටූර් යන දෙදෙනාට දින කීපයකට පෙර එල්ලවූ ප්රහාරය පිළිබඳ ද “ජුනූ මොහිෂීන්” මංත්රීවරිය විස්තර කළාය.
“මගේ සැමියා වන “නජාම්සේතිට” පහර දුන්නා. කීප වරක්ම ඔහු පැහැර ගෙන ගියා. මගේ ජීවතයේ දී අවුරුදු තිහක්ම ඔවැනි සිද්ධීන් අත්වින්දා. ඔහු කළ වැරැද්ද මානව හිමිකම් ගැන කතා කිරීමයි. මම මේ කතා කරන්නේ වින්දිත පවුල් වෙනුවෙන්” ඇය පාර්ලිමේන්තුවේ දී වැඩිදුරටත් කීවාය.
එම ප්රකාශයෙන් පසුව මන්ත්රීවරියට සමාජ මාධ්ය ජාලවලින් දිගින් දිගටම මරණ තර්ජන එල්ලවන්නට පටන් ගත්තේය.
ඒ හාම ඇගේ හිතෛෂීන් විසින් ඇයට මහජන රැලිවලට සහභාගි නොවන ලෙසට ද අනතුරු අඟවනු ලැබුවාය. ඒ හිතවතුන්ගේ ඉල්ලීම් කාරුණිකව ප්රතික්ෂේප කළ ඇය මහජන උත්සවවලට සහභාගි වූවාය. එසේ ගිය විටෙක ඇගේ ආරක්ෂක බළඇණියද මගහරවා ඇය ඝාතනයට වෙඩි ප්රහාරය එල්ලකර තිබේ.
පාකිස්තානයේ අස්ථාවරභාවය පිළිබඳ ලිපියක් ලියූ ඉස්ලාමාබාද්හි පදංචි මාධ්යවේදී “අසාද් අලි ටූර්ගේ” නිවෙසට කඩාවැදුණු පිරිසක් ඔහුට ඉතා අමානුෂික අන්දමින් පහරදී තිබේ.
පාකිස්තානය මාධ්යවේදීන්ට හිරිහැර කරන ලෝකයේ පස්වැනි ස්ථානයට ගැනෙන රට බවට ජාත්යන්තර මාධ්යවේදීන්ගේ සම්මේලනය නම්කර තිබේ.
චන්ද්රසේන මාරසිංහ
