අගමැති පාර්ලිමේන්තු ඇවිත් නෑ

අගමැති මහින්ද රාජපක්ෂ මහතා මේ දිනවල පැවැත්වෙන පාර්ලිමේන්තු රැස්වීම සදහා සහභාගී නොවීමට තීරණය කොට ඇති බව නිල නොලත් ආරංචි මාර්ගවලින් සදහන් වේ.

මේ දිනවල අගමැතිවරයා ස්වයං නිරෝධායනයට ලක්ව සිටීම ඊට හේතුව බව එම නිල නොවන ආරංචි මාර්ග පෙන්වා දෙයි.

මැතිඇමැතිවරුන් කිහිප දෙනකුටම කොරෝනා රෝගය වැළදීමෙන් පසු ඊයේ (18) දින අගමැතිවරයා පී.සී.ආර්. පරීක්ෂණයක් සිදු කොට ඇති අතර එහි ප්‍රතිපලය අනුව අගමැතිවරයාට කොරෝනා වැළදී නොමැති බව තහවුරු වී ඇත.

නමුත් සෞඛ්‍ය උපදෙස් මත අගමැතිවරයා මේ දිනවල ස්වයං නිරෝධායනයට ලක්ව සිටින බව එම නිල නොවන ආරංචි මාර්ග පෙන්වා දෙයි.