මෙරට රජයේ විශ්වවිද්යාලවල මානව ශාස්ත්ර සහ සමාජ විද්යා පීඨයන්ට පැමිණෙන සිසුන්ගෙන් 85%ක් පමණ කාන්තාවන් බව විශ්වවිද්යාල ප්රතිපාදන කොමිසම නිකුත් කරන ලද වාර්තා අනුව පෙන්නුම් කරන බව පේරාදෙණිය විශ්වවිද්යාලයේ මානව ශාස්ත්ර සහ සමාජ විද්යා පශ්චාත් උපාධි අංශයේ අධ්යක්ෂ සහ ආර්ථික විද්යාව පිළිබඳ මහාචාර්ය වසන්ත අතුකෝරල මහතා පැවැසීය. (Sri Lanka Latest News)
2021-2022ට අදාළව රජයේ විශ්වවිද්යාලවල මානව ශාස්ත්ර සහ සමාජ විද්යා උපාධි සඳහා 12,825ක් ඇතුළත් වී ඇති අතර, එමගින් 10,873ක් පමණ කාන්තාවන් බව හෙළිවේ.
වාණිජ විෂය ධාරාව යටතේ ළමුන් 7,899ක් පමණ රාජ්ය විශ්වවිද්යාලවලට ඇතුළත් වී ඇති අතර, එමගින් 5,312ක් හෙවත් 67%ක් පමණ කාන්තාවන් බව හෙළිවේ.
තවද ජීව විද්යාව විෂය ධාරාව තුළ විශ්වවිද්යාලවලට ඇතුළත් වන සිසුන්ගෙන් 73%ක් පමණ කාන්තාවන් වන අතර, ජෛව පද්ධති තාක්ෂණ විෂය ධාරාව තුළින් විශ්වවිද්යාලවලට ඇතුළත් වන සිසුන්ගෙන් 78%ක් පමණ කාන්තාවන් වේ.
කෙසේ වුවද භෞතික විද්යාව සහ ඉංජිනේරු විෂය ධාරාවන් තුළින් විශ්වවිද්යාලවලට ඇතුළත් වන කාන්තාවන් ප්රමාණය සැලකිය යුතු මට්ටමක පහළ අගයක පවතී.
සමස්තයක් ලෙස ගත්විට 2022 වසර වනවිට ලංකාවේ සමස්ත විශ්වවිද්යාල පද්ධතිය තුළ ළමුන් 1,31,213ක් පමණ සිටි අතර, ඔවුන්ගෙන් 65%ක් පමණ කාන්තාවන් බව පෙන්නුම් කරනු ලබයි.
රටේ පාසල් අධ්යාපනය තුළ පළමු වසරට ඇතුළත් වන පිරිමි ළමුන්ගෙන් 46%ක් පමණ උසස් පෙළ විභාගයට පෙර පාසල් අතහැර යෑමක් පෙන්නුම් කරයි.
මේ ආකාරයට පිරිමි දරුවන් වැඩි පිරිසක් පාසල් හැර යෑම සහ රාජ්ය විශ්වවිද්යාලවලට ඇතුළත් නොවීම රටේ අනාගත ශ්රම වෙළෙඳපළ කෙරෙහි අයහපත් ආකාරයට බලපෑ හැකි බවයි මහාචාර්යවරයා පවසන්නේ.
ප්රේමලාල් විජේරත්න
