රජයේ යෝජිත නව ත්රස්ත විරෝධී පනත් කෙටුම්පත පිළිබඳ මහජනතාවට තම අදහස් සහ යෝජනා ඉදිරිපත් කිරීමට මෙම මස 28 වැනි දින දක්වා සිදුකළ හැකි බව අධිකරණ සහ ජාතික ඒකාබද්ධතා ඇමැති හර්ෂණ නානායක්කාර මහතා යුරෝපා සංගමයේ නියෝජිතවරු හමුවේ පවසා ඇත.Sri Lanka Latest News
එසේ ඉදිරිපත් කෙරෙන මහජන යෝජනා, අදහස් අධිකරණ සහ ජාතික ඒකාබද්ධතා අමාත්යාංශයේ ලේකම්වරයා වෙත යොමුකළ හැකි බව එම අමාත්යාංශයේ ප්රකාශකයෙක් ‘මව්රට’ට පැවසීය.
යෝජිත මෙම නව ත්රස්ත විරෝධී පනත් කෙටුම්පත පිළිබඳ යුරෝපා සංගමයේ නියෝජිතයන් පිරිසක් සමග අධිකරණ ඇමැතිවරයා මේ වනවිට සාකච්ඡා පවත්වන ලදැයිද හෙතෙම කීවේය.
අධිකරණ ඇමැතිවරයා මෙම හමුවේදී යුරෝපා නියෝජිතයන් හමුවේ පවසා ඇත්තේ ජනතාව ලබාදෙන අදහස් සහ යෝජනා සැලකිල්ලට ගෙන, ඒවා කෙරෙහි සාධනීය ලෙස කරුණු සලකා බලා යෝජිත නව ත්රස්ත පනත් කෙටුම්පත ක්රියාත්මක කිරීමට පියවර ගැනෙන බවය.
නන්දන ශ්රී දොරකුඹුර
