ලංකාවේ ප්රධාන සමාගමක් හට කොළඹ සිටි ඔෆ් ඩී්රම්ස් හෝටල් සංකීර්ණයේ කැසිනෝ ශාලාවක් ආරම්භ කිරීමට අවසර ලබාදීම සම්බන්ධයෙන් මේ වනවිට දේශපාලන ක්ෂේත්රයේ බරපතළ ආන්දෝලනයක් මතුව තිබේ.Sri Lanka Latest News
ඒ, 2015 යහපාලන ආණ්ඩු සමයේදී හිටපු ජනාධිපති මෛත්රිපාල සිරිසේන මහතා විසින් මෙම හෝටල් පරිශ්රය තුළ කැසිනෝ ශාලාවක් ආරම්භ කිරීම තහනම් කරමින් කැබිනට් පත්රිකාවක් ඒකමතිකව සම්මත කර තිබියදී එම පරිශ්රය තුළම මහාපරිමාණ කැසිනෝ ශාලාවක් ආරම්භ කිරීමට අදාළ ආයතනය පියවර ගෙන තිබීම හරහාය.
යහපාලන ආණ්ඩු සමයේදී හිටපු අගමැති රනිල් වික්රමසිංහ මහතාගේ පාර්ශ්වය මගින් වෝටර් ෆ්රන්ට් ප්රොපර්ටීස්, ලේක් ලෙෂර් හෝල්ඩින්ග්ස්, ක්වීන්ස්බරි ලෙෂර් ලිමිටඩ් යන සමාගම් සඳහා විශේෂ බදු සහන යටතේ කැසිනෝ ශාලා ආරම්භ කිරීමට අවසර ලබාදී තිබුණු අතර, 2015.01.31 දිනැති කැබිනට් පත්රිකාව මගින් එම අවසරය ඒකමතිකව අහෝසි කිරීමට හිටපු ජනාධිපති සිරිසේන මහතා පියවර ගෙන තිබිණි.
එසේ විශේෂ කැබිනට් පත්රිකාවක් මගින් කැසිනෝ ශාලා ආරම්භ කිරීම තහනම් කොට තිබියදී ආයතනය මගින් එම පරිශ්රයේම කැසිනෝ ශාලාවක් ආරම්භ කිරීම හරහා ඊට අවසර ලබාගත්තේ කෙසේද යන ප්රශ්නය මේ වනවිට මතුව තිබේ.
මෛත්රිපාල සිරිසේන මහතාගෙන් පසු ගෝඨාභය රාජපක්ෂ, රනිල් වික්රමසිංහ යන මහත්වරු ජනාධිපති ධුරයේ කටයුතු කළ අතර, වර්තමානයේ අනුර කුමාර දිසානායක මහතා එම ධුරයේ කටයුතු කරනු ලබයි.
එසේ නම් මෛත්රීපාල සිරිසේන මහතා විසින් කැසිනෝ බලපත්ර නිකුත් කිරීම තහනම් කරමින් සම්මත කර තිබූ කැබිනට් පත්රිකාව අවලංගු කොට කැසිනෝ හල් ආරම්භ කිරීම සඳහා අවසර ලබාදෙමින් නව කැබිනට් පත්රිකාවක් සම්මත කළ යුතුව තිබේ.
එවැන්නක් සම්මත කළා නම් එම කැබිනට් පත්රිකාව කොහිද, එය සම්මත කරනු ලැබුවේ කුමන ජනාධිපතිවරයකු යටතේද, ඒ කවදාද සම්මත නීතිය අනුව අදාළ කැසිනෝ ශාලා සඳහා උපයන විට ආදායමෙන් 45%ක බදු පැනවීමක් සිදුකරනවාද යන්න පිළිබඳ මේ වනවිට බරපතළ ගැටලුවක් මතුව ඇත.
ඒ අනුව ඉදිරියේදී බොහෝ පාර්ශ්වයන් මේ සම්බන්ධයෙන් නීති මාර්ගයට යොමුවීමේ සූදානමින් සිටින බවද ‘මව්රට’ පුවත්පතට දැනගන්නට තිබේ.
