මෑතකදී රටට බලපෑ හදිසි ආපදා තත්ත්වයට අදාළව රාජ්ය ආයතන විසින් පවත්වන ලද සියලු සාකච්ඡා පිළිබඳ තොරතුරු ඉල්ලා සිටීමට විපක්ෂය තීරණය කොට ඇති බව වාර්තා වේ.Sri Lanka Latest News
සජබ පාර්ලිමේන්තු මන්ත්රී මුජිබර් රහුමාන් පෙන්වා දෙන්නේ, රටට දැවැන්ත ආපදාවක් සිදුවූ අවස්ථාවේදී මෙම ආයතන ක්රියා කළ ආකාරය සහ ඊට ආණ්ඩුවේ වගකිවයුත්තන් දැක්වූ ප්රතිචාරය රටටම දැනගැනීම වැදගත් වන බැවින් මෙම තොරතුරු ඉල්ලා සිටින බවයි.
ඒ අනුව, පසුගිය නොවැම්බර් 11 වැනිදා සිට නොවැම්බර් 26 වැනිදා අතර කාලය අතර කාලගුණ විද්යා දෙපාර්තමේන්තුව, ආපදා කළමනාකරණ මධ්යස්ථානය, වාරිමාර්ග දෙපාර්තමේන්තුව සහ ජාතික ගොඩනැගිලි පර්යේෂණ සංවිධානය විසින් කාලගුණික තත්ත්වයන් සම්බන්ධයෙන් සිදු කරන ලද සාකච්ඡාවල තොරතුරු ඉල්ලීමට නියමිතය.
එසේම වගකිවයුතු නිලධාරීන් විසින් Zoom මගින් පවත්වන ලද රැස්වීම්වල තොරතුරු ලිඛිතව මෙන්ම වීඩියෝ මගින් ද ඉල්ලා සිටීමට කටයුතු කරන බවද පවසන මුජිබර් රහුමාන් මන්ත්රීවරයා හෙට අනිද්දාම අදාළ ආයතන වෙත ගොස් ලිඛිතව මෙම තොරතුරු ඉල්ලා සිටින බවද සඳහන් කළේය .
තොරතුරු ලබාගත් පසුව, ඒවා පාර්ලිමේන්තුවට ඉදිරිපත් කිරීමට අපේක්ෂා කරන බව ද මන්ත්රීවරයා වැඩිදුරටත් සඳහන් කළේය.
යම්කිසි බලපෑමකට ලක්වී මෙම තොරතුරු ලබානොදීමට එම ආයතන ක්රියා කළහොත්, ඒ සම්බන්ධයෙන් නීතිමය පියවර ගැනීමට කටයුතු කරන බවට ද මන්ත්රීවරයා අනතුරු ඇඟවීය.
