ශ්රී ලංකා නිදහස් පක්ෂය පාර්ලිමේන්තුව වර්ජනය කිරීමට තීන්දුවක් ගෙන නොමැති බව ශ්රීලනිප මහලේකම් දයාසිරි ජයසේකර මහතා ‘මව්රට’ වෙබ් අඩවියට විශේෂ ප්රකාශයක් කරමින් කියා සිටියේය.
පාර්ලිමේන්තුව වර්ජනය කිරීම පිළිබදව සමගි ජන බලවේගය තම පක්ෂයට කිසිදු දැනුම්දීමක් කර නොතිබූ බවත්, එසේ කර තිබුණේ නම් ඊට සම්බන්ධ විය හැකිව තිබූ බවත්, තමන් ඒ බව විපක්ෂනායකවරයාගෙන් විමසා සිටි බවත් දයාසිරි ජයසේකර මහතා ප්රකාශ කළේය.
පසුව ඒ සම්බන්ධයෙන් විපක්ෂනායකවරයා සජබ මහලේකම් රංජිත් මද්දුමබණ්ඩාර මහතාගෙන් විමසද්දී මද්දුමබණ්ඩාර මහතා තමන්ට එය අතපසු වූ බව සදහන් කළ බවද හෙතෙම කියා සිටියේය.
මහලේකම්වරයාගේ එම අතපසුවීම හේතුවෙන් විපක්ෂනායකවරයා තමන්ට කනගාටුව ප්රකාශ කළ බවද ජයසේකර මහතා කීය.
කෙසේවෙතත් අද දිනයේ මන්ත්රී කණ්ඩායම් රැස්වීමක් කැදවා මේ පිළිබදව සාකච්ජා කරන බවද මන්ත්රීවරයා කියා සිටියේය.
