‘වර්තමාන රජය පත්වී මාසයක පමණ කාලයක් ගත වෙනවා. නමුත් වර්තමාන රජය කියන දේ කරන රජයක් බව නම් පෙනෙන්නට නැහැ. රජයේ විධිමත් වැඩපිළිවෙළක් නැහැ. නමුත් සමගි ජන බලවේගයට සහ සමගි ජන සන්ධානයට නිෂ්චිත වැඩපිළිවෙළක් තිබෙනවා.Sri Lanka Latest News
වර්තමාන රජය ජනාධිපතිවරණයට පෙර රාජ්ය සේවකයන්ට විවිධ පොරොන්දු ලබාදුන්නා. රාජ්ය සේවකයින්ගේ වැටුප් වැඩි කරනවා , විශ්රාම වැටුප් විෂමතා විසදනවා , විවිධ කතා ප්රකාශ කළා. රාජ්ය සේවයකයන් ජාතික ජන බලවේගයට ඡන්දය දුන්නොත් රාජ්ය සේවකයින්ගේ ප්රශ්න සියල්ල විසදන බව කිව්වා. කෙසේ නමුත් ජාතික ජන බලවේගය සිදුකළේ රාජ්ය සේවය නොමග යැවිමක්.
රනුගේ සහ සුභෝධනි වැටුප් කොමිසන් වාර්තාව ක්රියාත්මක කරන බව ජාතික ජන බලවේගය ප්රකාශ කළා. මේ වාර්තා අවශ්ය බව කියමින් ගුරුවරුන් පාරට බස්සන්න ජාතික ජන බලවේගය කටයුතු කළා. ගුරුවරු පාරට බස්සවන්න නායකත්වය දුන්න පිරිස දැන් මහ මැතිවරණයට ඡන්දය ඉල්ලන්න ඉදිරිපත් වෙලා සිටිනවා.
ඒ වගේම ආණ්ඩුව කියනවා වැටුප් වැඩි කිරිම සිදුකරන්න හැකි වෙන්නේ පාර්ලිමේන්තුවක් පිහිටුවිමෙන් පසුව කියලා. එහි කිසිදු සත්යතාවයක් නැ. අනුමත වුණ දේවල් ක්රියාත්මක කරන්න පාර්ලිමේන්තුවේ බලයක් අවශ්ය නෑ. ඒ සඳහා මුදල් ඇමැතිගේ අත්සන පමණයි අවශ්ය වෙන්නේ.
කෙසේ නමුත් , රාජ්ය සේවකයන්ගේ ජිවන වියදම් දිමනාව ඉහළ නැංවිමට කටයුතු කරන බවත් රාජ්ය සේවකයන්ට මාසික ජිවන වියදම 25,000 දක්වා ඉහළ නංවන්න කටයුතු කරන බවත් එය වත්මන් දිමනා වලට ගලපනු ලබන බවත් රාජ්ය සේවකයින්ගේ මුලික වැටුප සියයට 24 කින් ඉහළ නංවන බවත් රජයේ සේවයේ අවම වැටුප රුපියල් 57,500 ක් බව සමගි ජන බලවේගය ඉදිරිපත් කළ ප්රතිපත්ති ප්රකාශයේ ඉතාම පැහැදිලිව සඳහන් කරලා තිබෙනවා. සමගි ජන බලවේගය කියන්නේ කියන දේ කරන පක්ෂයක්. ඒ වගේම 2016 සිට බඳවා ගත් සියලුම රාජ්ය සේවකයන්ට විශ්රාම වැටුප් ව්යවස්ථාව අනුව අලුත් රෙගුලාසි අනුව විශ්රාම වැටුප් ලබාදීමට කටයුතු කරන බවත් සමගි ජන බලවේගය ඉදිරිපත් කළ ප්රතිපත්ති ප්රකාශයේ සඳහන් කරලා තිබෙනවා. කෙසේ නමුත් රාජ්ය සේවකයන් නොමග යවා ජාතික ජන බලවේගය ඡන්දය ලබාගෙන තිබෙනවා.
ඒ වගේම ආණ්ඩුව ප්රකාශ කරනවා විපක්ෂයක් අවශ්ය නැ කියලා. ප්රජාතන්ත්රවාදි රටක එවැනි දෙයක් ප්රකාශ කිරිම වැරදියි. විපක්ෂයක් නොමැතිව ආණ්ඩුව පමණක් පාලනය ගෙන ගිය නැගෙහිර යුරෝපා රටවල් ලෝකයේ බොහෝමයක් තිබෙනවා. නමුත් අවසානයේ එම රටවල් කඩාගෙන වැටුණා. ජනතාව ඒ පාලනය බිද දමලා ප්රජාතන්ත්රවාදී පාලනය ක්රමයට ගමන් කළා. රටේ පාලකයන් පත්විය යුත්තේ මහජනතාවගේ ඡන්දයෙන් මිසක් පක්ෂවල සහ පෞද්ගලිකව තීරණ අනුව නෙවෙයි. ඒ වගේම වර්තමාන ජනාධිපතිවරයා මහජන ඡන්දයෙන් පත් වෙලා තිබෙන්නේ. සුලුතරයකගේ ඡන්දයෙන් තමයි ඔහු ජනාධිපති වෙලා තිබෙන්නේ. නමුත් ඔහුට අපි ගරු කරනවා. ඒක තමයි ප්රජාතන්ත්රවාදය කියලා කියන්නේ. ජානතාවට අයිතියක් තිබෙනවා රටේ පාලකයන් වෙනස් කරන්න. නමුත් ඒක පක්ෂ ක්රමයේ එහෙම දෙයක් නෑ.
ඒ වගේම සමගි ජන බලවේගය මේ ඡන්දය ඉල්ලන්නේ විපක්ෂයේ ඉන්න නෙවෙයි. අපි ඡන්දය ඉල්ලන්නේ බහුතර ආසන ගණනක් ලබාගෙන ආණ්ඩුවක් පිහිටුවන්න. ඒ ආණ්ඩුව පිහිටුවන්නේ ප්රජාතන්ත්රවාදි ක්රමය තුළයි. වැඩියෙන්ම ආසන තිබෙන පක්ෂය තමයි ආණ්ඩුවක් පිහිටුවන්නේ. එයයි ව්යවස්ථාවේ තිබෙන ක්රමය. හොරු අල්ලන්න , නිතිය ක්රියාත්මක කරන්න , ජනාධිපතිධුරය අහෝසි කරන්න ජනාධිපතිවරයාට අපේ සම්පුර්ණ සහාය දෙන්න සුදානම්.
ඒ වගේම ජාතික ජන බලවේගයේ ආර්ථික ප්රතිපත්ති අනුගමනය කළොත් රට තවත් බංකොලොත් වෙන්න පුලුවන්. අලාභ ලබන රාජ්ය ව්යවසාය ප්රතිසංස්කරණය නොකලොත් රට ඉදිරියට ගෙනි යන්න බෑ. මිල පාලනය කරන කිව්වා. නමුත් එය පහසුවෙන් කළ හැකි දෙයක් නෙවෙයි. ආර්ථික ප්රතිපත්තිය ගැන විශාල ගැටලු රැසක් තිබෙනවා. රටේ ආර්ථිකය ඉදිරියට ගෙනියන්න පලපුරුද්දක් තිබිය යුතුයි. දැනුම තිබිය යුතුයි. කණ්ඩායමක් සිටිය යුතුයි.‘‘
