යුනෙස්කෝ සංවිධානය විසින් මහාවංශය ලෝක උරුමයක් ලෙස ප්රකාශයට පත්කර තිබේ. (Sri Lanka Latest News)
එම සංවිධානය 2023 වසරේ ප්රකාශයට පත්කළ ලෝක මතක ජාත්යන්තර ලේඛනයේ නව ලේඛන උරුම 64 අතරට මහාවංශය ද ඒ අනුව ඇතුළත් කර ඇත.
මහාවංශය යනු ලක්දිව මහාවිහාර ඉතිහාසය ප්රධාන කොට රජරට රාජධානියේ ඉතිහාසය පිළිබඳ මහාවිහාරික මහානාම හිමියන් විසින් පාලි භාෂාවෙන් ලියන ලද ඓතිහාසික කාව්යයක් වන අතර, එය ක්රි.පූ. 6 වැනි සියවසේ සිට ක්රිස්තු වර්ෂ 1815 දක්වා කාලය ආවරණය වන පරිදි රචනා කර තිබේ.
‘ලෝකයේ අඛණ්ඩ ඓතිහාසික වාර්තාවලින් එකක් වන මහාවංශය, පරිණත ඉතිහාස සම්ප්රදායක් ආරම්භ කරමින්, ක්රි.පූ. 6 වැනි සියවසේ සිට ශ්රී ලංකාවේ ඉතිහාසය කාලානුක්රමිකව ඉදිරිපත් කරමින්, දකුණු ආසියාවේ එවැනි ආකාරයේ පළමුවැනි ඉතිහාස වාර්තාව බවට පත්ව තිබේ’ යැයි යුනෙස්කෝ සංවිධානය සඳහන් කර ඇත.
