ලංකාවේ පළමු වතාවට කොවිඩ් නිව්මෝනියා හා සම්බන්ධ කළු දිලීර සංකූලතා හේතුවෙන් සිදු වූ මරණය වාර්තාවී ඇති බව ගාල්ල කරාපිටිය ශික්ෂණ රෝහලේ අධිකරණ වෛද්ය අංශයේ ප්රධාන විශේෂඥ අධිකරණ වෛද්ය නිලධාරී රොහාන් රුවන්පුර පවසයි.
ගාල්ල කරාපිටිය ශික්ෂණ රෝහලේ ප්රතිකාර ලබමින් සිටියදී කොවිඩ් නිව්මෝනියාව වැළඳීමෙන් මෙම පුද්ගලයා සැප්තැම්බර් මස 29 වන දින මිය ගොස් ඇතිඅතර මියගිය පුද්ගලයාගෙන් ලබාගත් සාම්පල් වැඩිදුර පරීක්ෂණ කටයුතු සඳහා වෛද්ය පර්යේෂණ ආයතනය වෙත සැප්තැම්බර් මස 29 වන දිනයොමු කළ බව විශේෂඥ අධිකරණ වෛද්ය නිලධාරිවරයා පැවසීය.
ඒ පිළිබඳව වන පරීක්ෂණ වාර්තාව ඊයේ (21) දිනයේදී ලැබුණු බවත් මියගිය පුද්ගලයාගේ පෙනහැල්ලේ කළු දිලරය ආසාදනය වී ඇති බවට තහවුරු වී ඇති බවත් විශේෂඥ අධිකරණ වෛද්ය නිලධාරිවරයා පැවසීය.
වෛද්ය පර්යේෂණායතනයේ දිලිර පිළිබඳ විශේෂඥ වෛද්ය ත්රිමාලි ජයසේකර මහත්මිය විසින් මෙම පරික්ෂණය සිදු කොට ඇති බව අධිකරණ වෛද්ය නිලධාරිවරයා සඳහන් කළේය.
මියගිය පුද්ගලයා 56 හැවිරිදි වියේ පසුවන ඇල්පිටිය සෞඛ්ය වෛද්ය නිලධාරී කොට්ඨාශයේ පදිංචිකරුවෙක් වේ.
