හුණුපිටිය ගංගාරාම විහාරස්ථානය කේන්ද්ර කරගනිමින් බේරේ වැව අවට ප්රදේශය ජාත්යන්තර සංචාරක සහ සංස්කෘතික කේන්ද්රස්ථානයක් ලෙස සංවර්ධනය කිරීම වෙනුවෙන් ක්රියාත්මක කිරීමට යෝජිත “Temple City” ව්යාපෘතිය පිළිබඳ සාකච්ඡාවක් ජනාධිපති ලේකම් ආචාර්ය නන්දික සනත් කුමානායක මහතාගේ ප්රධානත්වයෙන් ඊයේ (30) පස්වරුවේ ජනාධිපති කාර්යාලයේදී පැවැත්විණි.Sri Lanka Latest News
දේශීය හා විදේශීය ජනතාවගේ ගෞරවයට පාත්ර වූ හුණුපිටිය ගංගාරාම විහාරස්ථානය කොළඹ නගරයේ ප්රමුඛ ආගමික හා සංස්කෘතික මධ්යස්ථානයක් වන අතර, එහි සංචාරක විභවය හඳුනාගනිමින් අවට ප්රදේශය ආකර්ෂණීය සංචාරක ගමනාන්තයක් ලෙස සංවර්ධනය කිරීමේ අරමුණින් ගංගාරාම විහාරස්ථානයේ මඟපෙන්වීම යටතේ නාගරික සංවර්ධන අධිකාරිය (UDA) විසින් “Temple City” ව්යාපෘතිය ආරම්භ කිරීමට යෝජිතය.
මෙම ව්යාපෘතිය යටතේ දේශීය හා විදේශීය සංචාරකයන්ට පහසුවෙන් හා නිදහසේ ගමන් කිරීමට හැකි වන පරිදි බේරේ වැව වටා පදික වේදිකාවක් (Pedestrian Walkway) ඉදිකිරීම, අවට ප්රදේශය අලංකාර කර සංචාරක හිතකාමී පහසුකම් තවදුරටත් වැඩිදියුණු කිරීම ඇතුළු සංවර්ධන කටයුතු රැසක් ක්රියාත්මක කිරීමට නියමිතය.
අදාළ සැලසුම් සහ ව්යාපෘතියේ ඉදිරි කටයුතු සම්බන්ධයෙන් මෙහිදී දීර්ඝ ලෙස සාකච්ඡා වූ අතර, රාජ්ය ආයතන අතර සම්බන්ධීකරණය ශක්තිමත් කරමින් සියලු පාර්ශ්වයන්ගේ සහයෝගය ඇතිව ව්යාපෘතිය කඩිනමින් ඉදිරියට ගෙන යාමේ අවශ්යතාව ජනාධිපති ලේකම්වරයා මෙහිදී අවධාරණය කළේය.
මෙම ව්යාපෘතිය සාර්ථකව ක්රියාත්මක කිරීම මඟින් බේරේ වැව හා ගංගාරාම විහාරස්ථානය කේන්ද්ර කරගත් ප්රදේශය ජාත්යන්තර මට්ටමේ සංචාරක හා සංස්කෘතික කේන්ද්රස්ථානයක් බවට පත් කිරීමට මෙන්ම කොළඹ නගරයේ සංචාරක ආකර්ෂණය තවදුරටත් ඉහළ නැංවීමට හැකි වනු ඇතැයි අපේක්ෂා කෙරේ.
හුණුපිටිය ගංගාරාම විහාරාධිපති ආචාර්ය පූජ්ය කිරින්දේ අස්සජි හිමිපාණන් වහන්සේ, අග්රාමාත්ය ලේකම් ප්රදීප් සපුතන්ත්රී, ජනාධිපති ජ්යෙෂ්ඨ අතිරේක ලේකම් රෝෂන් ගමගේ, නාගරික සංවර්ධන අධිකාරියේ සභාපති එම්. ජී. හේමචන්ද්ර, කොළඹ මහ නගර සභාවේ නියෝජ්ය නගරාධිපති හේමන්ත කුමාර යන මහත්වරු, ශ්රී ලංකා සංචාරක ප්රවර්ධන කාර්යාංශය සහ අදාළ රාජ්ය ආයතන නියෝජිතයෝ මෙන්ම ආරක්ෂක අංශවල ජ්යෙෂ්ඨ නිලධාරීහු ඇතුළු පිරිසක් මෙම සාකච්ඡාවට එක්ව සිටියහ.
ජනාධිපති මාධ්ය අංශය
2026-07-01
