ශ්රී ලංකා ග්රැෆයිට් පතල් අංශයේ අන්යෝන්ය වශයෙන් ප්රතිලාභී හවුල්කාරිත්වයක් ඇතිකර ගැනීම පිළිබඳ මොන්ටානා ප්රාන්ත ව්යාපාරික නියෝජිත කණ්ඩායමක් සමඟ ශ්රී ලංකා තානාපති කාර්යාලය මූලික සාකච්ඡාවක් පවත්වයිSri Lanka Latest News
2025 සැප්තැම්බර් 24 වන දින මොන්ටානා ජාතික ආරක්ෂක බළකාය (MTNG) මැදිහත් වීමෙන් වොෂින්ටන් ඩී.සී. හි ශ්රී ලංකා තානාපති කාර්යාලය සහ මොන්ටානා ව්යාපාරික නායකයින් පිරිසක් අතර හමුවක් අන්තර්ජාලය හරහා පැවැත්විණි. මෙම රැස්වීමේ මූලික අවධානය යොමු වූයේ ශ්රී ලංකාවේ ග්රැෆයිට් කැණීම් අංශයේ සහයෝගීතාව ගවේෂණය කිරීමයි. මොන්ටානා පාර්ශවය වෙනුවෙන් මහාචාර්ය කුසලි ගමගේ (භූ විද්යාව පිළිබඳ මහාචාර්ය) විසින් ඉදිරිපත් කිරීම සිදු කරන ලද අතර, මෙම වැදගත් අංශයේ සැලකිය යුතු ප්රයෝජනයට නොගත් විභවයන් ඉස්මතු කරමින්, එහි සංශුද්ධතාවය සඳහා ගෝලීය වශයෙන් ප්රසිද්ධ ශ්රී ලාංකික ග්රැෆයිට් දැනට අවම අගය එකතු කිරීමකින් සහ සාම්ප්රදායික කැණීම් ක්රම භාවිතා කරමින් අපනයනය කරන බව අවධාරණය කළේය. එම සාකච්ජාවේදී, පතල් අංශයේ ලාභදායීතාවය සහ ගෝලීය තරඟකාරිත්වය සැලකිය යුතු ලෙස වැඩි දියුණු කිරීම සඳහා උසස් තාක්ෂණයන් සහ අගය එකතු කළ සැකසුම් ශිල්පීය ක්රම හඳුන්වා දීමට පැහැදිලි අවස්ථාවක් තිබෙන බව පෙන්වා දුන්නේය. මෙම අංශයේ සහයෝගීතාවයේ ශක්තිමත් කැපවීම තවදුරටත් පෙන්නුම් කරමින්, ලබන අප්රේල් මාසයේ පැවැත්වෙන ග්රැෆයිට් කැණීම් සමුළුවක් සඳහා එක්සත් ජනපදයේ ග්රැෆයිට් පර්යේෂකයින් 15-20 දෙනෙකුගෙන් යුත් කණ්ඩායමක් ශ්රී ලංකාවට රැගෙන යාමේ ඇගේ සැලසුම් පිළිබඳව ද මහාචාර්ය ගමගේ සඳහන් කළේය. 2026 අප්රේල් 27 සිට මැයි 1 දක්වා පේරාදෙණිය විශ්ව විද්යාලයේදී දින පහක මිනිරන් වැඩමුළුවක් පැවැත්වෙන අතර, එහිදී ශ්රී ලංකාවේ සහ ඇමරිකා එක්සත් ජනපදයේ විශේෂඥයින් එක්රැස් වේ. මෙහිදී සහභාගිවන්නන් බෝගල, කහටගහ සහ රාගෙදර හි පිහිටි ශ්රී ලංකාවේ ප්රසිද්ධ මිනිරන් පතල්වල ක්ෂේත්ර චාරිකා පැවැත්වීම, පර්යේෂණ සහ සංවර්ධන අවස්ථා ගවේෂණය කිරීම සහ දැනුම බෙදා ගැනීම සිදුකරනු ලබයි.
ඇමරිකා එක්සත් ජනපදය සහ ශ්රී ලංකාව අතර හිතකර තීරුබදු පරිසරය සහ දැනට පවතින ශක්තිමත් ද්විපාර්ශ්වික සම්බන්ධතාවය ගැන තානාපතිතුමා අවධාරණය කළේය. ශ්රී ලංකාවේ විවිධ අංශ හරහා විවිධ ආයෝජන අවස්ථා ගවේෂණය කිරීමට මොන්ටානා ව්යාපාර සඳහා මෙය සැලකිය යුතු අවස්ථාවක් සපයන බව ඔහු තවදුරටත් පෙන්වා දුන්නේය. මෙම සම්බන්ධතා සඳහා පහසුකම් සැලසීමට සහ විදේශ සෘජු ආයෝජන අවස්ථාවන්ට සහාය වීමට තානාපති කාර්යාලය කැපවී සිටින බවද ප්රකාශ කළේය.
ඇමරිකා එක්සත් ජනපදයේ මොන්ටානා ප්රාන්තයේ මොන්ටානා ජාතික ආරක්ෂක බළකාය (MTNG) සහ ශ්රී ලංකාවේ ආරක්ෂක අමාත්යාංශය අතර 2022 දී ආරම්භ කරන ලද ඉතා සාර්ථක රාජ්ය හවුල්කාරිත්ව වැඩසටහන (SPP) මගින් ශ්රී ලංකා සන්නද්ධ හමුදාවට, විශේෂයෙන් පුපුරණ ද්රව්ය බැහැර කිරීම (EOD), රසායනික, ජීව විද්යාත්මක, විකිරණශීලී සහ න්යෂ්ටික (CBRN) ආරක්ෂක සහ අනෙකුත් තීරණාත්මක ක්ෂේත්රවල සැලකිය යුතු පුහුණු අවස්ථා දැනටමත් ලබා දී ඇත. ජ්යෙෂ්ඨ හමුදා සහ රජයේ නිලධාරීන්ගේ අන්යෝන්ය සංචාර සහ වෛද්ය මෙහෙයුම් සහ ගුවන් සේවා නඩත්තුව වැනි විවිධ ක්ෂේත්රවල ඵලදායී සහයෝගීතා ඇතුළු බොහෝ ඉහළ මට්ටමේ හුවමාරු මගින් ශක්තිමත් සහ වර්ධනය වන සම්බන්ධතාවය තවදුරටත් තහවුරු වේ.
මොන්ටානා විශ්ව විද්යාලය සහ මධ්යම සහ නිරිතදිග ආසියානු ආයතනය, අප්රේල් 1 සිට 2 දක්වා පැවැත්වෙන මොන්ටානා විශ්ව විද්යාලයේ සහ මධ්යම සහ නිරිතදිග ආසියානු සමුළුවට සහ සාකච්ජාවලට සහභාගී වන ලෙසත්, සිසුන් සදහා දේශනයක් පැවැත්වීමටත් තානාපතිවරයාට ආරාධනා කළේය. මෙම අධ්යයන නිරතවීම්වලට අමතරව, MTNG විසින්, රජයේ ප්රධාන ජ්යෙෂ්ඨ ව්යාපාරික විධායකයින්, මොන්ටානා ආණ්ඩුකාරවරයා සහ තානාපතිවරයා අතර රැස්වීමක් සම්බන්ධීකරණය කරනු ඇත.
MTNG හි රාජ්ය හවුල්කාරිත්ව වැඩසටහන් අධ්යක්ෂ මේජර් ක්රිස් කෝරි සහ ඇමරිකා එක්සත් ජනපදයේ ශ්රී ලංකා තානාපති මහින්ද සමරසිංහ විසින් මෙහෙයවන ලද මෙම රැස්වීමේදී දෙපාර්ශ්වයේම ප්රධාන නියෝජිතයන් එක්රැස් විය. තානාපතිවරයා සමඟ නියෝජ්ය දූත මණ්ඩල ප්රධානී මධුක වික්රමාරච්චි මහතා, වාණිජ අමාත්ය නලින්ද විජේරත්න මහතා සහ ආරක්ෂක උපදේශක කොමදෝරු දුමිඳු අබේවික්රම මහතා ද එක් විය. මොන්ටානා දූත පිරිසට බී.ජී. මොරේනි මහතා, ඔක්රෝමා සමූහයේ ප්රධාන විධායක නිලධාරී බෙන් කර්නලි මහතා, NextGen හි නිර්මාතෘ සහ බලශක්ති උපදේශක ඇලස්ටෙයාර් ස්මිත් මහතා සහ භූ විද්යාව පිළිබඳ මහාචාර්ය කුසල් ගමගේ ඇතුළත් විය.
