Book Retreats ජාත්යන්තර වාර්තාවට අනුව, 2026 වසරේ ලොව හොඳම සුවතා සංචාරක ගමනාන්තය ලෙස ශ්රී ලංකාව නම් කර තිබේ. මෙම ශ්රේණිගත කිරීමේදී ඔස්ට්රේලියාවට දෙවැනි ස්ථානයත්, මොරොක්කෝවට තෙවැනි ස්ථානයත් හිමිව ඇත. එංගලන්තය සහ ස්පාඤ්ඤය පිළිවෙළින් සිව්වැනි සහ පස්වැනි ස්ථාන දිනාගෙන ඇති අතර, නේපාලය, තායිලන්තය, මෙක්සිකෝව, කොස්ටරිකා සහ කැනඩාව ද සුවතා සංචාරක ගමනාන්ත අතර ඉදිරියෙන් පසුවේ.Sri Lanka Latest News
ශ්රී ලංකාව මෙම ජයග්රහණය අත්කර ගැනීමට බලපෑ ප්රධාන සාධක අතර ශ්රී ලංකාවේ පවතින ගෞරවනීය ආයුර්වේද සම්ප්රදායන් සහ ආයුර්වේද උරුමය ලොව පුරා සංචාරකයන්ගේ වැඩි අවධානයට ලක්වීම ප්රධාන වේ. දිවයින සතු සුවිශේෂී ස්වාභාවික ආකර්ෂණීය ස්ථාන සහ ස්වාභාවික විසිතුරු බව ද මෙම තත්ත්වයට බෙහෙවින් ඉවහල් වී ඇත. මීට අමතරව, සුවතා වැඩසටහන් සඳහා වන අඩු පිරිවැය, සහනදායී මිල ගණන් සහ වීසා සහන සංචාරකයන් මෙරටට ආකර්ෂණය කර ගැනීමට ඉවහල් වී තිබේ. ශ්රී ලංකාවේ සුවතා සංචාරක ක්ෂේත්රය පිළිබඳව පවතින උනන්දුව වසරින් වසර 100%ක දැවැන්ත වර්ධනයක් පෙන්නුම් කිරීම ද තවත් ප්රධාන සාධකයක් වී ඇත.
ගෝලීය සුවතා සංචාරක කර්මාන්තය 2027 වසර වන විට ඇමරිකානු ඩොලර් ට්රිලියන 1.4ක් දක්වා වර්ධනය වනු ඇතැයි Book Retreats පුරෝකථනය කරයි.
