ශ්රී ලංකා ක්රිකට් කණ්ඩායමේ පරාජය පිටුපස එක්තරා කණ්ඩායමක් සිටි බවත්, ඔවුන්ගේ කුමන්ත්රණකාරී වැඩපිළිවෙළ නිසා මෙම ඛේදනීය පරාජය අත්වූ බවත් ශ්රී ලංකා ක්රිකට් කණ්ඩායමේ තේරීම් කමිටු සභාපති ප්රමෝද්යය වික්රමසිංහ කටුනායක ගුවන් තොටුපොළේ දී අද අලුයම හෙළිකළේය.Sri Lanka Latest News
ඔවුන් ශ්රී ලංකා ක්රිකට් තම ග්රහණයට ගැනීමට කැසකවමින් සිටින බවත්, මේ පිළිබඳ සියලු තතු තව දින දෙකකින් ප්රසිද්ධ ජනමාධ්ය හමුවේ ප්රකාශ කරමින් ශ්රී ලාංකීය ජනතාවට දැන ගැනීමට සළස්වන බවත් ප්රමෝද්යය වැඩිදුරටත් පැවැසීය .
ශ්රී ලංකා ක්රිකට් කණ්ඩායම අද අලුයම 05.05ට ඉන්දියාවේ බැංගලෝර් නුවර සිට ශ්රී ලන්කන් ගුවන් සේවයේ යූ.එල්.- 174 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබිණි .
ශ්රී ලංකා ක්රිකට් ආයතනයේ නිලධාරීහුන් කීපදෙනෙක් කණ්ඩායම පිළිගැනීම සදහා කටුනායක ගුවන් තොටුපොළ පැමිණීමේ පර්යන්තය වෙත පැමිණ සිටියහ.
ශ්රී ලංකා ක්රිකට් කණ්ඩායමේ ක්රීඩකයන්, පුහුණුකරුවන්, භෞතචිකිත්සකයන් ඇතුළු නිලධාරීන් සියලුම දෙනා කටුනායක ගුවන් තොටුපොළ වෙත පැමිණ සිටියහ .
ඔවුන් වෙනුවෙන් කටුනායක ගුවන් තොටුපොළෙන් පිටව යෑම සදහා පොදු බස් රථයක් සූදානම් කර තිබුණ ද බොහෝ ක්රීඩකයන් තම පෞද්ගලික මෝටර් රථවලින් සිය නිවෙස් බලා පිටත්ව ගිය අතර, කටුනායක ගුවන් තොටුපොළ සහ ඒ අවට වැඩි ආරක්ෂක නිලධාරීන් පිරිසක් යොදවා තිබිණි.
