අද (25) උදෑසන සිදුවූ හදිසි රිය අනතුරකින් අභාවප්රාප්ත වූ රාජ්ය අමාත්ය සනත් නිශාන්ත මහතාගේ දේහය මහජන ගෞරවය සඳහා අද පස්වරු 5.30 ට බොරැල්ලේ ජයරත්න මල්ශාලාවට රැගෙන ඒමට නියමිත බව ආණ්ඩු පක්ෂ ප්රධාන සංවිධායක ප්රසන්න රණතුංග මහතා පැවසීය.Sri Lanka Latest News
අනතුරුව දේහය හෙට (26) උදෑසන 10.30 ට පුත්තලමේ පිහිටි සනත් නිශාන්ත ඇමතිවරයාගේ නිවස වෙත රැගෙන යාමට නියමිත අතර දේහය පිළිබඳ අවසන් කටයුතු ලබන 28 වැනි ඉරිදා සිදුකිරීමට සැලසුම් කර තිබේ.
පාර්ලිමේන්තු මන්ත්රී මහින්දානන්ද අලුත්ගමගේ මහතා පැවසුවේ, ආරච්චිකට්ටුව ප්රදේශයේ දී අවසන් කටයුතු සිදුකිරීමට සැලසුම්කර ඇති බවය.
අද අලුයම කටුනායක අධිවේගී මාර්ගයේ සිදුවු රිය අනතුරකින් රාජ්ය අමාත්ය සනත් නිශාන්ත සහ ඔහුගේ ආරක්ෂක නිලධාරියා ජීවිතක්ෂයට පත් වුණි.
