මෙරටේ ග්රාම නිලධාරී වසම් මට්ටමෙන් සමෘද්ධි සංවර්ධන නිලධාරී, කෘෂිකර්ම පර්යේෂණ නිලධාරී, ආර්ථික සංවර්ධන නිලධාරී, ග්රාම නිලධාරී සහ පවුල් සෞඛ්ය නිලධාරී ආදී රාජ්ය නිලධාරීන් 5 දෙනකු සිටින අවස්ථාවක ග්රාමීය මට්ටමින් ජනතාවගේ දරිද්රතා මට්ටම ගැන අවබෝධයක් නොමැති පිරිසක් අස්වැසුම වැඩසටහන සඳහා යොදා ගත්තේ ඇයි ද කියා ගැටලුවක් ඇති බවත් මෙවැනි රාජ්ය නිලධාරීන් සිටිය දී අකාර්යක්ෂම ක්රියාත්මක වූ සමික්ෂණයක් හරහා මෙම වැඩසටහන අවුල් වී ඇති බවත් විපක්ෂ නායක සජිත් ප්රේමදාස මහතා පැවසීය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ අද (8) පාර්ලිමේන්තුවේ දී ස්ථාවර නියෝග 27 (2) යටතේ අස්වැසුම වැඩසටහන සම්බන්ධයෙන් ප්රශ්න කරමිනි.
එහි දී විපක්ෂ නායකවරයා රජයෙන් ප්රශ්න කර සිටියේ හරිහැටි සංඛ්යා දත්ත සහ සමීක්ෂණ නොමැතිව අස්වැසුම වැනි වැඩසටහනක් ක්රියාත්මක කරන ක්රමවේදය විද්යාත්මකව පැහැදිලි කර දෙන ලෙස යි.
වසර ගණනාවක් පුරා දුගී බව තුරන් කිරීම උදෙසා ක්රියාත්මක වූ සමෘද්ධි වැඩසටහන නවතා රජය විසින් අස්වැසුම වැඩසටහන ආරම්භ කළ බවත් මෙහි දී කිසිදු ප්රායෝගික භාවිතයකින් තොරව කඩිනමින් මෙම වැඩසටහන ක්රියාත්මක වීම නිසා සමෘද්ධි සහනාධාරය ලැබූ බොහෝ පිරිසකට අස්වැසුම තුළින් ප්රතිලාභ නොලැබී යාම හා ප්රතිලාභ හිමි නොවිය යුතු පිරිස් සඳහා ප්රතිලාභ ලබා දීම බව විපක්ෂ නායකවරයා පැවසීය.
මේ හේතුවෙන් රජයෙන් ලබා දුන් සමෘද්ධියෙන් ජීවිතය ගැට ගසා ගත් දුගී ජනතාව තවදුරටත් අසරණ වී ඇති බවත් තම ප්රතිලාභ ලබා ගැනීම සඳහා පොලිම්වල සිටි සමහර පුද්ගලයන් මියගිය සිදුවීම් මාධ්ය මඟින් ප්රචාරය වූ බවත් මෙහි දී විපක්ෂ නායකවරයා පැවසීය.
එසේ ම දරිද්රතා රේඛාවෙන් පහල සිටින මිලියන 2කට ආසන්න පවුල් අතුරින් අස්වැසුම ප්රතිලාභ සඳහා හඳුනා ගෙන ඇත්තේ මිලියන 1.1ක් පමණක් බවට ලර්න් ඒෂියා ආයතනයේ වාර්තා තුළ සඳහන් වන බැවින් නිවැරදි දත්ත කේන්ද්රීය වැඩසටහනක් මේ සඳහා යොදා ගත හැකිව තිබූ බව ද විපක්ෂ නායකවරයා මෙහි දී පැවසීය.
විපක්ෂ නායක සජිත් ප්රේමදාස මහතා විසින් මෙහි දී ආණ්ඩුවට ප්රශ්න රැසක් යොමු කරමින් අස්වැසුම වැඩසටහන සම්බන්ධයෙන් ප්රශ්න කර සිටියේය.
