බොරුව, පච දේශපාලනය ඇන්දවීම හා රැවටීම රාජ්ය දේශපාලනය වී ඇති බවත් මේ වන විට ආණ්ඩුවලට බලය ඇති පළාත් පාලන ආයතනවලට පමණක් මුදල් වෙන් කරන බවත් ජනාධිපතිවරයා තර්ජනය කරමින් යන බවත් සමගි ජන බලවේගය ජයග්රහණය කල හොත් රජයේ මුදල්වලින් තොරව සේවාව ප්රශස්ත ප්රබුද්ධ සේවාවක් බවට පත් කරන බවත් විපක්ෂ නායකවරයා පැවසීය.Sri Lanka Latest News
බොරුව ඇන්දවීම මංමුලා කිරීම හරි නොගිය තැන ආණ්ඩුවයි ජනාධිපතිවරයායි තර්ජනය කරමින් යන බවත් ජනාධිපතිවරයාගේ වගකීම සමස්ත ජනතාවට සේවය කිරිම මිස ජනතා විමුක්ති පෙරමුණේ පාක්ෂිකයන්ට පමණක් සේවය කිරීම නොවන බවත් එම නිසා නොබියව ඉදිරියට එන සමගි ජන බලවේගය දිනවන ලෙස ජනතාවගෙන් ඉල්ලා සිටින බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ පොතුවිල් ආසනයේ, ලාහුගල දි පැවැති ජන හමුවක් අමතමිනි.
අප රටේ ජනතාව මාලිමා ආණ්ඩුවට ජනතා විමුක්ති පෙරමුණට සහය දුන් බවත් පොහොසත් රටක් හදනවා කියා පැවසුවත් අද වන විට මෙම ප්රතිපත්ති ප්රකාශයේ පොරොන්දු වූ කරුණු කීයක් මහපොළොවේ සත්යක් වූයේද කියා ප්රශ්න කළ යුතු බවත් බොරු කියන බොරුව වපුරණ බොරුව ව්යාප්ත කරන පච ආණ්ඩුවක් ඇති බවත් විපක්ෂ නායකවරයා පැවසීය.
රජය බොරුවෙන් මුසාවෙන් මුලාවෙන් ජනතාව අන්දවනවා
බඩු මිල වැඩි වී ආදායම් මාර්ග පහළ ගොස් ඇති බවත් එදිනෙදා වේල් තුන පිරිමහ ගන්න බැරිව දශලක්ෂ සංඛ්යාත දුක් විදින බවත් දරිද්රතාවය වැඩි වී ආදායම් මාර්ග අඩු වී ජීවනෝපාය පව කඩා වැටී ඇති මොහොතක මේ රජය ජනතාව බොරුවෙන් ප්රෝඩාවෙන් මුසාවෙන් මුලාවෙන් රවටමින් සිටින බවත් විපක්ෂ නායක සජිත් ප්රේමදාස මහතා පැවසීය.
විදුලි බිල 33%කින් අඩු කරනවා කිව්වත් 20%කින් පවා විදුලි බිල අඩු කළේ ජනතාගෙ නැගී සිටිම නිසා බවත් විදුලි බිල අඩුවුණේ ආණ්ඩුවේ ප්රතිපත්ති නිසා නොව ජනතාවගේ ප්රශ්න කිරිම නිසා බවත් ඉතිරි 13% අඩු කරණ දිනය දැන ගැනිමට අවශ්ය බවත් අද වන විට අත්යාවශ්ය ආහාරවල මිල වැඩි වී ඇති බවත් කිරිපිටි හාල් පොල් ලුණු වැඩි වී ඇති බවත් රටට ලුණුවත් දෙන්න මේ රජයට නොහැකි වී ඇති බවත් විපක්ෂ නායකවරයා වැඩිදුරටත් පැවසීය.
කෝ දෙනව කිව්ව පොහොර සහනාධාරය
අද වන විට ගොවි ජනතාව පවා රවටා ඇති බවත් වගා කටයුතු ආරම්භ කළත් පොහොර සහනාධාරය නොලැබුනු බවත් අලි මිනිස් ගැටුම වළක්වන්න සැලසුමක්වත් නොමැති බවත් දැන උගත් යැයි කියපු රජයේ ඇමතිවරුන්ට අනුව හැමදේම රිලව්වදුරන්ට බාර දී ඇති බවත් විපක්ෂ නායකවරයා පැවසීය.
පුනර්ජනනීය බලශක්තිය ව්යාප්ත කරනවා යැයි කිව්වත් රජය ඩීසල් හා තාප විදුලි බලාගාර මාෆියාවට හසු වී ඇති බවත් මොවුන් කියපු බොහෝ දේ ක්රියාත්මක කළ නොහැකි අදක්ෂ රජයක් බවත් ජනතා ගැටලුවලට විසදුම් නොමැති බවත් විපක්ෂ නායකවරයා පැවසීය.
