ජනාධිපතිවරයාගේ සංකල්පය අනුව යමින් ආරුගම්බේ සංචාරක සංවර්ධන සැලැස්ම කඩිනම් කර මෙරට සංචාරක කර්මාන්තයට පුළුල් දායකත්වයක් ලබාදිය හැකි ප්රදේශයක් ලෙස සංවර්ධනය කිරීමේදී එම ප්රදේශයේ යටිතල පහසුකම් සංවර්ධනය ආශ්රිතව මතුව ඇති ගැටලු සහ සංචාරක කර්මාන්තය ප්රවර්ධනය කිරීමේදී මුහුණ දීමට සිදුව ඇති අභියෝග පිළිබඳව සාකච්ඡාවක් පසුගිය (19) දින ජනාධිපති කාර්යාලයේදී පැවැත්වුණි.Sri Lanka Latest News
තවද එම ගැටලු සඳහා විසඳුම් සෙවීමේදී එක් එක් රේඛීය ආයතනවලට සිදු කළ හැකි මැදිහත්වීම පිළිබඳව ද මෙහිදී සාකච්ඡාවට ලක්විය.
පාර්ලිමේන්තු මන්ත්රී ඩී. වීරසිංහ, පොලිස්පති සී. ඩී. වික්රමරත්න, අම්පාර දිස්ත්රික් ලේකම් චින්තක අබේවික්රම යන මහත්වරු සහ අදාළ රේඛීය ආයතනවල නිලධාරීන් මෙම සාකච්ඡාවට එක්ව සිටියේය.
