උතුරේ වැසියන් වෙනුවෙන් සංවර්ධන යෝජනා ක්රම කීපයක් දියත් කිරීම පිණිස රනිල් වික්රමසිංහ ජනාධිපතිවරයා සිව්දින නිල සංචාරයක් මේ සතියේදී ආරම්භ කිරීමට නියමිතය. (Sri Lanka Latest News)
ජනවාරි මස 4, 5, 6 හා 7 යන දිනවලදී ජනාධිපතිවරයා යාපනය හා වවුනියාව යන ප්රදේශවල සංචාරය කරන අතර, එම දිස්ත්රික්කවල සංවර්ධන කමිටු රැස්වීම් සඳහාද විද්වතුන් විශාල පිරිසක් සමග සාකච්ඡා කිරීමටද නියමිතය.
ජනාධිපතිවරයාගේ උතුරේ සංචාරයේදී රුපියල් මිලියන 250ක වියදමකින් යාපනයේ වැසියන්ට පිරිසිදු පානීය ජලය ලබාදෙන පාලියාරු ජල යෝජනා ක්රමය ජනවාරි 04 වැනිදා සවස ආරම්භ කිරීම ප්රධාන තැනක් ගනී.
ඊට අමතරව යාපනයේ වැසියන්ගේ ඉඩම් ප්රශ්නය විසඳීම සඳහා මූලික සාකච්ඡාවකට සහභාගි වන ජනාධිපතිවරයා, යාපනය, වවුනියාව විශ්වවිද්යාලවල උපකුලපතිවරුන් සහ කිලිනොච්චි මණ්ඩපයේ පීඨාධිපතිවරුන් ඇතුළු කථිකාචාර්යවරු සමගද යාපනය දිස්ත්රික් ලේකම් කාර්යාලයේදී සර්ව ආගමික නියෝජිතයන්, ධීවර සංවිධාන නියෝජිතයන් සහ යාපනය ශික්ෂණය රෝහල් සුබසාධක සංගමයේ නියෝජිතයන් සමගද සාකච්ඡා පැවැත්වීමට නියමිතය.
lankasara
