මීතොටමුල්ල ප්රදේශයේ ඉඩමක් ගොඩ කිරීම සදහා අවසර ලබා දීමට ව්යාපාරිකයෙකුගෙන් රුපියල් ලක්ෂ 640 ක අල්ලස් මුදලක් ඉල්ලා සිටීම සම්බන්ධයෙන්, හිටපු අමාත්ය ප්රසන්න රණතුංගට එරෙහිව කොළඹ මහාධිකරණය හමුවේ විභාග වූ නඩුවේ තීන්දුව, 2022 ජූනි මාසයේ 06 වන දා ප්රකාශයට පත් කළේ ය.Sri Lanka Latest News
නඩු තීන්දුවට අනුව, රුපියල් ලක්ෂ 250 ක දඩයක් ගෙවීමට ප්රසන්න රණතුංගට නියම කළ කොළඹ මහාධිකරණය බරපතල වැඩ සහිත වසර දෙකක සිරදඩුවමක් නියම කරමින් එය වසර පහකට අත්හිටුවීමට නියෝග කලේ ය.
මහාධිකරණ තීන්දුවට එරෙහිව ප්රසන්න රණතුංග අභියාචනාධිකරණය හමුවේ අභියාචනයක් ගොනු කළේ ය.
අභියාචනාධිකරණය හමුවේ ගොනු කළ ඒ පෙත්සම ඉල්ලා අස්කර ගැනීමට සිය සේවා දායකයා සූදානම් බව ප්රසන්න රණතුංග වෙනුවෙන් පෙනී සිටින නීතීඥයා දැනුම් දී තිබේ.
ඒ අනුව, මහාධිකරණය විසින් නියෝග කළ රුපියල් ලක්ෂ දෙසිය පනහක දඩය රජයට ගෙවීමට ප්රසන්න රණතුංග එකග වී තිබේ.
