පොළොන්නරුව, දිඹුලාගල සහ වැලිකන්දේ මහා පරිමාණ හරක් හොරුන් පොලිස් නිලධාරීන් සමග එකට පාටි දමන ගජයන් බවත්, ප්රදේශයේ හරක් හොරුන් වැඩිවී ඇත්තේ ඒ නිසා බවත් වාරිමාර්ග, යෞවන කටයුතු හා ක්රීඩා අමාත්ය රොෂාන් රණසිංහ අද (25) පැවසුවේය. (Sri Lanka Latest News)
අද පැවති දිඹුලාගල ප්රාදේශීය සංවර්ධන කමිටු රැස්වීමේදී ප්රදේශයේ ගව හොරකම් පිළිබඳ කිරි ගොවියෙකු කරන ලද ප්රකාශයක් මුල්කර ගනිමින් රොෂාන් රණසිංහ ඇමතිවරයා මේ බව කීවේය.
ඇමතිවරයා පෙන්වා දුන්නේ ඇතැම් පොලිස් නිලධාරීන් මත්ද්රව්ය ජාවාරම්කරුවන් සහ ප්රධාන හරක් හොරුන්ගේ රැකවලුන්, ආරක්ෂකයින් සහ සුරතලුන් වීම රටක ඛේදවාචකය ප්රකාශ කරන බවය.
එහිදී වැඩිදුරටත් අමාත්යවරයා මෙසේද කීය.
මේ ප්රකාශය හැමෝම අදාළ කරගන්න එපා. බහුතරයක් පොලිස් නිලධාරීන් යහපත් මහත්තුරු. නමුත් පොලිසියේ නිලධාරින් එක්කෙනෙක් දෙන්නෙක් කරන වැඩ නිසා මුළු පොලිස් දෙපාර්තමේන්තුවටම අගෞරවයක් වෙලා.
පොලිසිය හරක් හොරකම් සහ මත්ද්රව්ය නවත්තන්න ලොකු සහයක් දෙනවා. ඒ අතරේ සමහර නිධාරීන් හරක් හොරුන්ට සහ මත්ද්රව්ය ජාවාරමුන්ට රැකවරණය ආරක්ෂාව ලබාදෙනවා.
එහෙම හම්බකරන පොලිස් නිලධාරීන්ට කියන්නේ තමුන්ට ඒ පව ආත්ම ගානක් පඩිසන් දෙනවා. ඇතම් පොලිස් නිලධාරීන් මත්ද්රව්ය ජාවාරම්කරුවන් සමඟ සිදුකරන සම්බන්ධතාවල ප්රතිඵලයක් ලෙස මේ රටේ තරුණයන් විශාල ප්රමාණයක් මත්ද්රව්යවලට ගොදුරු වෙලා හමාරයි. මේකෙන් සිදුවන්නේ අපේ ජාතිය විනාශ වීමයි.
මේ රට මීට වඩා ප්රශ්න විසඳුපු රටක්. බිඳවැටුණු අවස්ථාවල බලාපොරොත්තු නැති වේගයෙන් ආපසු නැගී හිටියා. නමුත් මත්ද්රව්ය ප්රශ්නය අපිට විසඳාගන්න තවමත් බැරිවෙලා තිබෙනවා. මත්ද්රව්ය ප්රශ්නයට මේ රටේ දේශපාලනඥයන්ගේ දරුවා ඉඳලා රාජ්ය ආයතනවල ඇතම් නිලධාරීන්ගේ දරුවන් ගොදුරු වෙලා තියෙනවා. මෙච්චර ලොකු ප්රශ්නයක් වෙලත් අපි එකතු වෙලා මේ ප්රශ්නයට විසඳුමක් හොයන්න කටයුතු කරන්නේ නෑ.
ලෝකයේ කිසිම රටක නැති තරමට මේ රටේ මත්ද්රව්ය පැතිරිලා තියෙනවා. මෙහෙම ගියොත් අපිට රටක් සමාජයක් ජාතියක් ඉතුරු වෙන්නෑ.
මෙම අවස්ථාවට දිඹුලාගල ප්රාදේශීය ලේකම් පී.ටී.එම්. ඉර්ෆාන්, හිටපු පළාත් සභා හා ප්රාදේශීය මන්ත්රීවරුන් මෙන්ම රාජ්ය නිලධාරීන්, වැලිකන්ද ප්රදේශය භාර සහකාර පොලිස් අධිකාරී සුදත් අස්මඩල සහ පොලිස් ස්ථාන රැසක ස්ථානාධිපතිවරුන් සහභාගි වී සිටියහ.
lankasara
