දිට්වා සුළි කුනාටුව නිසා ඇති වූ ආපදා තත්ත්වයත් සමඟ මා ඔය පිටාර ගැලීම නිසා ඇති වූ ගංවතුර සහ නායයෑම් තර්ජනයන්ට මුහුණ දුන් තුල්හිරිය ප්රදේශයේ ජනතාවගේ ගැටලු සම්බන්ධයෙන් සොයා බැලීමට විපක්ෂ නායක සජිත් ප්රේමදාස මහතා කටයුතු කරන ලදී.Sri Lanka Latest News
එහි දී මෙම සහන කඳවුරේ සිටි ජනතාව විපක්ෂ නායකවරයා හමුවේ කියා සිටියේ මේ වන විට සිය නිවස ආශ්රිත ප්රදේශ නායයෑමේ අවදානමක් පවතින නිසා සිය ජීවිත සම්බන්ධයෙන් අවදානමක් ඇති බවත් තුල්හිරියේ නායයෑම නිසා සිය පවුල්වල විශාල පිරිසක් මිය ගියත් ඔවුන්ගේ දේහයන් ගොඩගැනීමට රජය උපකාර නොකරන බවත් ඔවුන්ගේ දේහයන් ගොඩගෙන මියගිය පවුලේ සාමාජිකයන්ට අවසන් ගෞරව දැක්වීමට හෝ අවස්ථාව ලබා දෙන ලෙසත්ය.
මොවුන්ගේ ගැටලු සොයා බැලූ විපක්ෂ නායක සජිත් ප්රේමදාස මහතා ආපදා කළමනාකරණ උපදේශක සභාවට මෙම ගැටලු සියල්ල ඉදිරිපත් කරන බවයි. එසේම අලව්ව තුල්හිරිය විහාරස්ථානයේ ඇති සහන කඳවුරේ සිටින ජනතාව හමු වී ඔවුන්ගේ ගැටලු සම්බන්ධයෙන් සොයා බැලූ අතර විපක්ෂ නායකවරයා ලෙස මේ ගැටලු විසඳීමට උපරිම උපකාර කරන බවට පොරොන්දු විය.
ගංවතුර සහ නායයෑම් නිසා තුල්හිරිය ප්රදේශයේ ජනතාවගේ ජීවිත හා දේපල අහිමි විය. මේ අවස්ථාවේ මෙම ප්රදේශයේ ජනතාව මුහුණ දෙන ගැටලු රැසක් දැන ගැනීමට විපක්ෂ නායක සජිත් ප්රේමදාස මහතාට හැකි විය.
