ධීවර ආම්පන්න – උපකරණවල මිල අසීමාන්තිකව ඉහළ යාම, X-PRESS PEARL නෞකාව හේතුවෙන් මුහුදු පරිසරය විනාශවීම නිසා අසරණ වූ ධීවර ප්රජාවට නිසි වන්දි නොලැබීම, මීගමු කලපු තීරුවේ ග්රාමසේවා වසම් කිහිපයක් නාගරික් සංවර්ධනය අධිකාරියට පැවරීමේ ගැසට්ටුව අවලංගු නොකිරීම, කොළඹ වරායේ බටහිර ජැටියට ධීවර ප්රජාව දැනුවත් නොකර වැලි පොම්ප කිරීම සහ තවත් ඉල්ලීම් කිහිපයක් මුල්කරගනිමින් මීගමුව මහ නගරසභාව ඉදිරි පිට ධීවර ජනතාවගේ විරෝධතාවක් පැවැත්විණ.
මෙම විරෝධතාව සඳහා කොළඹ අගරදගුරු පදවියේ සහයක රදගුරු හිමිපාණන්ලා, ගරු පූජා ප්රසාදීන් වහන්සේලා ඇතුළු ධීවර ජනතාව විශාල පිරිසක් සහභාගි වී සිටියහ.
මේ වනවිට විදේශගතව සිටින අගරදගුරු හිමිපාණන් ධීවර ජනතාවගේ ඉල්ලීම් සඳහා ඒකාත්මිකව එකතු වී සිටින බවත් එම ජනතාවට ඇතිව තිබෙන දුෂ්කරතා සම්බන්ධයෙන් ශුද්ධෝත්තම පියාණන් හමු වූ අවස්ථාවේ දැනුවත් කර ඇති බවත් මාධ්ය හමුවේ අදහස් දක්වමින් මෙම විරෝධයට එක් වූ සහයක රදගුරු ජේ.ඩී ඇන්තනී හිමිපාණෝ සදහන් කර සිටියහ.
