පොලොන්නරුව දිස්ත්රීක්කයට තවදුරටත් බලපා ඇති වියළි කාළගුණික තත්වය හේතුවෙන් මැදිරිගිරිය ප්රාදේශීය ලේකම් කොට්ටාසයේ පිහිටි නිකහේන ගම්මානයේ ජනතාව බීමට දිය පොදක් හෝ නොමැතිව අන්ත පීඩාවට පත්ව සිටිති. (Sri Lanka Latest News)
මාස 05කට වැඩි කාලයකින් එම ප්රදේශයට වැසි නොලැබීමේ තත්වය මත ගම්මානයේ ජනතාවගේ ජල අවශ්යතාවන් ඉටුකරගත් නිකහේනවැවත් මේ වනවිට සම්පූර්ණයෙන් සිදීගොස් තිබේ.
ගම්මානයේ ළිං බොහෝමයක් ද මේ වනවිට සිඳී ගොස් ඇත.
නිකහේන ගම්මානයේ පවුල් 28කට අයත් 140කට ආසන්න සාමාජිකයින් පිරිසක් ජීවත් වෙති. නිකහේන වැව යටතේ මේ යලේ ගම්මුන් වගා කළ කුඹුරුවල අස්වැන්නේ විශාල කොටසක් ද නෙලාගැනීමට පෙර විනාශ වී ගොස් ඇත.
ගම්මානයේ පිහිටි ප්රධාන ජල මූලාශ්රය වන නිකහේන වැව මෙලෙස වසර 05කට පසු සම්පූර්ණයෙන් සිදීයාමෙන් ගම්වාසීන් පමණක් නොව වන සතුන්ටද බීමට ජලය නොමැතිව පීඩාවට පත්ව සිටින බවත්, වන සතුන් ආහාර හා ජලය සොයා ගම්වැදීම වැඩි ව ඇති බවත් ගැමියෝ පවසා සිටිති.
නියගය සහිත මෙම අවස්ථාවේ මෙම වැව නිසි ලෙස ප්රතිසංස්කරණය කොට එහි ජලය වැඩි ප්රමාණයක් ගබඩාකල හැකි තත්වයට පත්කර දෙන ලෙස නිකහේන ගම්වාසීහු බළධාරීන්ගෙන් ඉල්ලා සිටිති.
lankasara
