පාස්කු ප්රහාරය සම්බන්ධයෙන් ඇමෙරිකාවේ එෆ්.බී.අයි. ආයතනය සිදුකළ විමර්ශනයකදී එම ප්රහාරයේ මහමොළකරුවන් කවුරුන්ද යන්න හෙළිදරව් කර ඇතැයි හිටපු අමාත්ය පාඨලී චම්පික මහතා පවසනවා. පහත පළවන්නේ රණවක මහතා ඒ පිළිබඳ මාධ්ය වෙත දැක්වූ අදහස්ය. Sri Lanka Latest News
‘පසුගියදා ආවා එෆ්.බී.අයි. ආයතනය ඇමෙරිකා එක්සත් ජනපදයේ පුරවැසියන් හතර දෙනෙක් ඝාතනය කිරීම නිසා මේ සිදුවීමේදී නඩු පැවරුවා නවුෆර් ඇතුළු තිදෙනකුට ඇමෙරිකා එක්සත් ජනපද උසාවියේ. ඒකෙදී ඉතා නිශ්චිත චෝදනාවලියක් හා මේ ත්රස්ත කල්ලිය පිළිබඳ නිශ්චිත විස්තරයක් පිටු 72ක මේ ඉදිරිපත් කරපු අධිචෝදනා පත්රයේ නිශ්චිතව සඳහන් කරලා තියෙනවා. එතකොට ඇතැම් අය මේකත් ප්රතික්ෂේප කරන්න යම් යම් අදහස් පළකරනවා. නමුත් මේ වාර්තාව කියෙව්වට පස්සේ ඉතා පැහැදිලි වෙනවා එෆ්.බී.අයි. ආයතනය කිසිසේත්ම අරයගේ මෙයාගේ කටකතාවලින් නෙවෙයි මේක කරලා තියෙන්නේ කියන එක. මේක කරලා තියෙන්නේ නවුෆර් මවුලවි ඇතුළු මේ සිදුවීම්වලට සම්බන්ධ අයගේ දුරකතන දත්ත, ඒ වගේම ඔවුන්ගේ ලැප්ටොප්වල තිබුණු දත්ත, ඔවුන් සහ අයි.එස්.අයි.එස්. ජාත්යන්තර ජාලය අතර තිබුණු සබැඳියාවත්, මේ සියල්ල යම් විද්යානුකූලව තහවුරු කරගෙන තමයි මේ ලියවිල්ල හදලා තියෙන්නේ.
මේකෙන් පේන වැදගත් කරුණු කීපයක් තියෙනවා. එකක් තමයි නවුෆර් මවුලවි ඇතුළු පිරිස 2015 වගේ කාලෙක ඉඳන්ම තමන් අයි.එස්.අයි.එස්. මතවාදයේ ඉන්න බව තමන්ගේ ෆේස්බුක් අඩවිවල විවෘතව ප්රකාශ කරලා තිබුණාය කියන එක. ඒ වගේම අද ඇප මත නිදැල්ලේ ඉන්න ඊබ්රාහිම් පවුල මේ ප්රහාර සඳහා මුදල් සපයපු ප්රධාන කණ්ඩායම බවට හඳුනාගෙන තිබීම කියන කාරණා මේක ඇතුළේ තියෙනවා. ඒ පවුලේ සාමාජිකයන් කීපදෙනෙක් මියගියා මරාගෙන මැරෙන ප්රහාරවලින්. වෙන රටක නම් මේ වන්දි දෙන්න නම් මේ අසරණයන්ට මේ දේපළ ජනසතු කරලා ඒකෙන් ලබාගන්න ධනයෙන් තමයි මේ වින්දිතයන්ට හරි නම් ආණ්ඩුව කටයුතු කළ යුත්තේ වන්දි ලබාදීම සඳහා. ඒ ගැන අපි අනාගතයේ මීට වඩා විධිමත් විවරණයක් කරන්න බලාපොරොත්තු වෙනවා. මේ ඊබ්රාහිම් පවුල සහ මේ ත්රස්තවාදය අතර තිබුණු සබැඳියාව සහ ඔවුන් අද කොහොමද මේ රටේ නැවත වතාවක් ව්යාපාර කටයුතු කරගෙන ඉන්නේ කියන කාරණය ගැන ඔවුන් හා දේශපාලන පක්ෂ අතර දේශපාලන නායකයන් අතර තිබිච්ච සම්බන්ධතාවන් පිළිබඳ අපි ඉදිරියේදී ප්රකාශ කරන්න බලාපොරොත්තු වෙනවා.’
