ශ්රී ලංකාවේ උසස්පෙළ ටියුෂන් මාෆියාව නිසා මවුපියන්ට අධික බරක් කරට ගැනීමට සිදුව ඇති බවත්, අධ්යාපන ප්රතිසංස්කරණ ගැන බලයට පත්වන සෑම රජයක්ම මත පළකළත් මේ දක්වා ජයගෙන ඇත්තේ ටියුෂන් මාෆියාව බවත් ලංකා ගුරු සංගමයේ ලේකම් ජෝෂප් ස්ටාලින් මහතා ‘මව්රට’ට පැවැසීය. (Sri Lanka Latest News)
උසස්පෙළ විභාගය ළං වනවිට පාසල් ළමුන් සිටින්නේ පාසල් පන්ති කාමරවල නොව ටියුෂන් පන්තිවල බවයි ස්ටාලින් මහතා පෙන්වා දෙන්නේ.
ටියුෂන් නොගියහොත් විභාග අසමත් වන බවට මතයක් ගොඩනගා තිබීම නිසා මෙම තත්ත්වය මතුව ඇති බවත්, මෙම වාතාවරණය නිසා මවුපියන්ගේ ආර්ථිකයද බිඳවැටෙන තත්ත්වයක් මතුව ඇති බවත් ඔහු පැවැසීය.
දැන් පවතින්නේ පාසල් අධ්යාපනය මත පදනම් වූ අධ්යාපන රටාවක් නොව විභාග කේන්ද්රීය අධ්යාපනයක් බවයි ඔහු පෙන්වා දෙන්නේ.
මේ පිළිබඳ සාකච්ඡා කිරීමට අග්රාමාත්යවරියගෙන් දිනයක් ලබාගැනීමට කටයුතු කරගෙන යන බවද ජෝෂප් ස්ටාලින් මහතා පැවැසීය.
ප්රේමලාල් විජේරත්න
