හිටපු ජනාධිපතිවරුන් ඇතුළු රාජපක්ෂ පවුලේ සාමාජිකයන් විසින් උගන්ඩාවේ පමණක් නොව ඩුබායි සහ තවත් විදේශීය රටවල් කිහිපයක සඟවා ඇති බවට පැවසෙන කළු සල්ලි සහ වත්කම් පිළිබඳ විමර්ශන රජය විසින් අඛණ්ඩව සිදුකරගෙන යන බව කැබිනට් ප්රකාශක අමාත්ය නලින්ද ජයතිස්ස මහතා පැවසීය. Sri Lanka Latest News
ඩුබායි වැනි ස්ථානවල ඇති වත්කම් පිළිබඳව නාමල් රාජපක්ෂ මහතා අභියෝග නොකිරීම විශේෂත්වයක් බව පෙන්වා දුන් අමාත්යවරයා, උගන්ඩාවට පමණක් සීමා නොවී සියලු සැකකටයුතු ස්ථාන පරීක්ෂාවට ලක් කරන බව අවධාරණය කළේය.
මීට අමතරව බටලන්ද වධකාගාර සිද්ධිය ඇතුළු අතීතයේ සිදුවූ දූෂණ සහ අපරාධ රැසක් පිළිබඳව අපරාධ පරීක්ෂණ දෙපාර්තමේන්තුව (CID) සහ අල්ලස් කොමිසම මගින් විමර්ශන ආරම්භ කර ඇති අතර, ඊට සම්බන්ධ පුද්ගලයින් ප්රකාශ සටහන් කර ගැනීම සඳහා ඉදිරියේදී කැඳවන බව ද ඔහු සඳහන් කළේය.
ඇතැම් සිදුවීම්වල සාක්ෂි විනාශ කර තිබීම හෝ විමර්ශන නිලධාරීන් මාරු කර තිබීම නිසා පරීක්ෂණ ප්රමාද වී ඇතත්, විකල්ප ක්රමවේද හරහා සාක්ෂි රැස් කර අදාළ පුද්ගලයන්ට එරෙහිව අධිචෝදනා ගොනු කිරීමට රජය පසුබට නොවන බව අමාත්යවරයා වැඩිදුරටත් සහතික විය.
