2014 වසරේ දෙසැම්බර් මස ගංවතුර ආධාර සපයන බව සඳහන් කරමින් අනීතික ලෙස තෙල් නීතිගත සංස්ථාවට අයත් රුපියල් ලක්ෂ 61 කට අධික මුදලක් වැය කිරීම තුළින් රජයේ මුදල් සාවද්ය පරිහරණය කිරීම ඇතුළු චෝදනා යටතේ හිටපු ඛනිජතල් විෂය භාර අමාත්ය අනුර ප්රියදර්ශනය යාපා මහතා ඇතුළු විත්තිකරුවන් හය දෙනෙකුට එරෙහිව කොළඹ මහාධිකරණය හමුවේ අධි චෝදනා භාර දෙන ලදි.Sri Lanka Latest News
මෙම නඩුව ඊයේ කොළඹ මහාධිකරණ විනිසුරු මංජුල තිලකරත්න මහතා ඉදිරියේ කැඳවනු ලැබූ අවස්ථාවේදී විත්තිකරුවන් වශයෙන් නම්කර සිටි හිටපු අමාත්ය අනුර ප්රියදර්ශන යාපා, ධම්මිකා ශිරාණි සුමනරත්න, ඛනිජ තෙල් නීතිගත සංස්ථාවේ හිටපු සභාපති එස්. අමරසේකර, සුසන්දත සිල්වා, සරත් පෙරේරා සහ චමින්ද සමරකෝන් යන අය අධිකරණය හමුවේ පෙනී සිටියහ.
ඉන් අනතුරුව නීතිපති වරයා විසින් ගොනු කර තිබූ අධි චෝදනා පත්ර විත්තිකරුවන්ට භාර දෙන ලදී.
අධි චෝදනා භාර දීමෙන් අනතුරුව එක් එක් විත්තිකරු රුපියල් ලක්ෂය බැගින් වූ මුදල් ඇප සහ රුපියල් ලක්ෂ 10 බැගින් වූ ශරීර ඇප දෙකක් මත මුදා හැරීමට නියම කළ විනිසුරු වරිය විත්තිකරුවන්ගේ ඇඟිලි සලකනු ලබාගෙන වාර්තා කැඳවීමට ද නියම කරන ලදී.
ඉන් අනතුරුව මෙම නඩුව පූර්ව නඩු විභාග සම්මන්ත්රණය සඳහා ඔක්තෝබර් මස 01 වනදා කැඳවීමට ද විනිසුරු වරයා නියම කළේය.
2014 වසරේ දෙසැම්බර් මස 26 වනදා ජනවාරි මස 26 වන දාතර කාලසීමාව තුළ ගංවතුර ආධාර සපයන බව සඳහන් කරමින් ලංකා ඛනිජ තෙල් නීතිගත සංස්ථාවට අයත් රුපියල් 6146110/- ක මුදලක් අනීතික ලෙස වැය කිරීම තුළින් රජයේ මුදල් සාවද්ය පරිහරණය කළ බවට චෝදනා කරමින් නීතිපතිවරයා විසින් එවක ඛනිජ තෙල් විෂය භාර අමාත්යවරයා වශයෙන් කටයුතු කළ අනුර ප්රියදර්ශනය යාපා ඇතුළු විත්තිකරුවන් හය දෙනෙකුට එරෙහිව පොදු දේපළ පනත යටතේ චෝදනා 05 ක් යටතේ මෙම නඩුව ගොනුකර තිබුණි.
