නියමිත ක්රියාපටිපාටියට අනුව අවසර ලබා නොගෙන සේවයට වාර්තා නොකරන තැපැල් සේවකයන් සේවය අතහැර ගියා සේ සැලකීමට සිදු වන බව තැපැල්පති රුවන් සත්කුමාර මහතා නිවේදනයක් නිකුත් කරමින් කියා තිබේ.Sri Lanka Latest News
එමෙන්ම සියලු තැපැල් සේවකයන්ට අද (22) දිනයේ සේවයට වාර්තා කරන ලෙස දැනුම්දී තිබෙන අතර සේවයට වාර්තා නොකරන සේවකයන්ට මේ මස වැටුප නොලැබීමේ හෝ ප්රමාදවීම සිදු විය හැකි බවත් මේ සම්බන්ධයෙන් කළ විමසීමකදී තැපැල්පතිවරයා පැවසීය. වර්ජනයේ නිරත සේවකයන් සඳහා වැටුප් ගෙවීම වෙනුවෙන් මුදල් නිකුත් කළ නොහැකි බවට මහා භාණ්ඩාගාරය දැනුම්දී තිබෙන බව පෙන්වාදෙන ඒ මහතා ඊට අමතරව සේවයට වාර්තා කරන සේවකයන් සම්බන්ධයෙන් තොරතුරු ලබාදෙන ලෙස ද දන්වා ඇතැයි පැවසුවේය.
ඒ අනුව සේවයට වාර්තා නොකරන සේවකයන්ට මේ මස වැටුප නොලැබීමේ හෝ ප්රමාදවීම අනිවාර්යයෙන්ම සිදු වන බව ද තැපැල්පතිවරයා පැවසීය. මේ හේතුවෙන් වහාම සේවයට වාර්තා කරන ලෙස වර්ජනයේ නිරත සේවකයන්ට දැනුම්දී තිබෙන බව ද හෙතෙම කියා සිටියේය. මධ්යම තැපැල් හුවමාරුවට ඇඟිලි සලකුණු යන්ත්ර කිහිපයක් සවි කිරීමට ද තමන් උපදෙස් දී ඇති බව ද ඒ මහතා පැවසීය.
වර්ජනය අත්හැර කිසිදු සාකච්ඡාවකට තැපැල් වෘත්තීය සමිති සූදානම් නොමැති බව තැපැල් වෘත්තීය සමිති පෙරමුණේ සම කැඳවුම්කරු චින්තක බණ්ඩාර පැවසීය. මේ දක්වා විෂය භාර අමාත්යවරයා ඒ සම්බන්ධයෙන් සාකච්ඡාවක් ලබාදී නොමැති බවත් වෘත්තීය සමිති ක්රියාමාර්ග අත්හැර සාකච්ඡාවකට පැමිණෙන ලෙස තැපැල්පතිවරයා සහ විෂය භාර අමාත්යවරයා ඉල්ලීමක් පමණක් සිදු කර ඇති බවත් හෙතෙම කීවේය.
කෙසේ වෙතත් වෘත්තීය සමිති ක්රියාමාර්ගය අත්හැර කිසිදු සාකච්ඡාවක් සිදු කිරීමට තැපැල් වෘත්තීය සමිති සූදානම් නොමැති බව ද මේ වනවිටත් ලක්ෂ 17කට ආසන්න තැපැල් මලු ප්රමාණයක් තැපැල් ස්ථාන ආශ්රිතව ගොඩගැසී ඇති බව ද ඔහු පැවසීය.
