දිට්වා සුළි කුණාටුව වැනි හදිසි ආපදා තත්ත්වයකින් පසු පුද්ගලයන් හෘදයාබාධවලට ලක්වීම සියයට 40 කින් පමණ ඉහළ යා හැකි බව ජාත්යන්තර අධ්යයනවලින් තහවුරු වී ඇතැයි හෘද විශේෂඥ වෛද්ය ගෝඨාභය රණසිංහ පැවැසීය. Sri Lanka Latest News
මෙවැනි හදිසි විපතකදී ගේදොර ඉඩ කඩම් හා සමීපතමයින් අහිමිවීම යන කරුණු මත යම් යම් අයගේ මානසික ආතතිය මත මෙලෙස හෘද රෝගවලට ගොදුරු විය හැකි බව ද විශේෂඥ වෛද්යවරයා සඳහන් කළේය.
මානසික ආතතිය, රුධිර පීඩනය වැඩිවීම, හෘද ස්පන්ධන වේගය ඉහළයාම ආදිය මෙම තත්ත්වයට බලපාන බවද එම වෛද්යවරයා පෙන්වා දෙයි.
රුධිර පීඩන පෙති, දියවැඩියා ඖෂධ, කොලෙස්ටරෝල් පෙති, ඇස්පිරින් සහ ක්ලොපිඩොග්රෙල්, වෝෆරින් ආදිය ගැනීමට නොහැකිවීම ආදී කාරණා ද මීට හේතුවන බව විශේෂඥ වෛද්යවරයා කියා සිටී.
එනිසා මෙවැනි මොහොතක මානසික ශක්තිය ඇති කරගෙන යහපත් නින්දක් ලබා ගැනීම කළ යුතු බවද විශේෂඥ වෛද්ය ගෝඨාභය රණසිංහ පෙන්වා දෙයි. සිරුරට යම් කිසි අපහසුවක් හෝ හදවත් රෝගී තත්ත්වයක් මතු වන්නේ නම් වහාම වෛද්ය ප්රතිකාරවලට යොමු විය යුතු බවත් වැදගත්ම දේ වන්නේ මානසික ශක්තිය ඇති කරගෙන දැනට ලබාගන්නා ඖෂධ අමතක නොරක ලබාගැනීම බවද විශේෂඥ වෛද්යවරයා ජනතාවට දැනුම් දෙයි.
