අද වන විට අප රටේ තත්ත්වය ගැන සිතා බලන විට අප රටත් ජන සමාජයත් මිනිමරුවන්ගේ රජදහනක් බවට පත්ව ඇති බවත් මිලේච්ඡත්වය රජවන මිනිමරු සංස්කෘතියක් රටේ බිහි වී ඇති බවත් ගෙදරට ඇවිත් වෙඩි තියන තැනට වැඩබිමේදී මහපාරේදී මෙන්ම උසාවියේදිද වෙඩි තියන තැනට පත්ව ඇති බවත් නීතිය වල් බිහි වී නිතියේ පරමාධිපත්ය සුරක්ෂා කරන්න රජයට නොහැකි වී ඇති බවත් ජාතික ආරක්ෂාව ගැන ටියුෂන් දෙන්නම් කියපු රජයේ මැති ඇමතිවරුන්ට දැන් ජාතික ආරක්ෂාව ගැන ටියුෂන් ගන්න සිදුව ඇති බවත් විපක්ෂ නායකවරයා පැවසීය.Sri Lanka Latest News
රටේ නීතිය ක්රියාත්මක නොවන මොහොතක සංවිධානාත්මක අපරාධ කල්ලි මිනිමරුවන් මිලේච්ඡයන් කුඩුකාරයන් දූෂිතයන් කල්ලි ගැසී ජනතාවගේ ජිවත් වීමේ අයිතිය පවා අහිමි කර ඇති බවත් මේ වන විට රටේ ඇත්තේ ප්රජාතන්ත්රවාදය රජයන යුගයකට වඩා ටී56 රජයක යුගයක් බවත් මේ රජයට වැඩක් කළ නොහැකි අදක්ෂ පිරිසක් සිටින නිසා මොවුන්ට රටේ නීතියේ ආධිපත්ය පවා සුරක්ෂිත කරන්න නොහැකි බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා බව කියා සිටියේ අද දඹුල්ල ආසනයේ පැවැති ජන හමුවක් අමතමිනි.
සමගි ජන බලවේගය පළාත් පාලන ආයතනවලින් බහුතරයක් ජයග්රහණය කළ පසු සෑම කොට්ඨාසයකම වසමකම ගමකම ප්රජා ආරක්ෂක කමිටු ස්ථාපිත කර ප්රජාව කේන්ද්රීය ආරක්ෂක වැඩපිළිවෙළක් ඇති කර ආරක්ෂක අංශ හා ප්රජාව සමග එකතු වී නිතිය හා සාමය සුරක්ෂා කරන වැඩපිළිවෙළක් ඇති කරන බවත් ඒ යුතුකම රට වෙනුවෙන් සමගි ජන බලවේගය ඉටු කරන බවත් විපක්ෂ නායකවරයා පැවසීය.
වත්මන් රජය තරගයට බොරු කියන ආණ්ඩුවක් ලෙස හංවඩු ගැසී අවසන් බවත් ජනාධිපතිවරණය හා මහමැතිවරණය බොරු කියා ජයග්රහණය කර දැන් මෙවර මැතිවරණයේ දී ද බොරු කියමින් යන බවත් අත්යාවශ්ය ආහාරපානවල පවා මිල වැඩ වී ඇති බවත් විදුලි බිල තෙල් මිල වැට් බදු ආදිය අඩු කරනවා කිව්වත් ඒ කිසිවක් නොවූ බවත් ගොවියාට පොහොර සහනාධාරය මෙන්ම ගුණාත්මකභාවයෙන් වැඩි පොහොර ලබා දෙනවා කිව්වත් කලට වේලාවට පොහොර සහනාධාරය පවා නොලැබෙන බවත් වගා හානි දේපල හා ජීවිත හානිවලට වන්දි පවා නොලැබෙන බවත් විපක්ෂ නායක සජිත් ප්රේමදාස මහතා පෙන්වා දුන්නේය.
දැන් අයවැයේ නැති සහන ලබා දෙනවා යැයි අලුත් පච ටිකක් කියමින් යන බවත් මේ අය අයවැයට එම යෝජනා ඇතුලත් නොකර ජන්දයෙන් පසු එම සහන ලබා දෙනවා කියා අලුත් බොරු ටිකක් කියමින් ජනතාව රවටමින් යන බවත් මොවුන් පච දේශපාලනයෙන් මෙවර මැතිවරණයත් ජය ගන්න උත්සාහ කරන බවත් විපක්ෂ නායකවරයා පැවසීය.
