එක්නැලිගොඩ ඝාතනය ඉක්මනින් විමසන්න ත්‍රිපුද්ගල විනිසුරු මඩුල්ලක් හමුවට! I Sri Lanka Latest News

මාධ්‍යවේදී ප්‍රගීත් එක්නැලිගොඩගේ අතුරුදන් වීම පිළිබඳ නඩුව විභාග කිරීම සඳහා ස්ථිර ත්‍රිපුද්ගල මහාධිකරණ විනිසුරු මඩුල්ලක් (Trial-at-Bar) පත්කිරීමට අගවිනිසුරු ප්‍රීති පද්මන් සූරසේන කටයුතුකර තිබේ.Sri Lanka Latest News

මෙම විශේෂ විනිසුරු මඩුල්ල සමන්විත වන්නේ නයන සෙනවිරත්න, නලින් හේවාවසම් සහ ලක්මාලි හේවාවසම් යන මහාධිකරණ විනිසුරුවරුන් තිදෙනාගෙනි.

ප්‍රගීත් එක්නැලිගොඩ අතුරුදහන් වූයේ 2010 ජනවාරි 24 වැනිදා රාත්‍රියේ ය. එතැන් පටන් ගතවූ වසර 16 පුරාවට ම ඔහු වෙනුවෙන් යුක්තියක් ඉටුවූයේ නැත.

සාක්ෂිකරුවන්ට එල්ලවූ තර්ජන, වින්දිත පාර්ශවයට සිදුවූ අඩන්තේට්ටම් හා චෝදනාවට ලක්ව සිටින යුදහමුදා පාර්ශවවලට සම්බන්ධ බලවතුන්ගෙන් සිදුවූ බාධාකිරීම් ඇතුළු විවිධ හැලහැප්පීම් මධ්‍යයේ මෙතෙක් කල් ඇදීගිය එක්නැලිගොඩ නඩුව, මේ නව ත්‍රිපුද්ගල විනිසුරු මඩුල්ලේ පත්කිරීමත් සමග කඩිනමින් කිසියම් නිශ්චිත අවසානයකට පැමිණෙනු ඇතැයි අපේක්ෂා කළ හැකි ය.