‘මේ සිද්ධිය හැමෝගෙම හිත් කම්පා කරවපු දෙයක්. අපේ ජීවිතයේ අවසානය කෙසේ වේවිදැයි කාටවත්ම කියන්න බෑ. ඒ වුණාට මම ඇසුරු කළ උතුමන් වහන්සේලා කීප නමක්ම තම ජීවිතය අවසාන මොහොත නිවැරදිව ප්රකාශ කළා. Sri Lanka Latest News
නාඋයන ආරණ්යයේ අපිත් සමග එකටම උපසම්පදාව වෙනුවෙන් දහම් කරුණු ඉගෙනගත් ස්වාමින්වහන්සේ නමක් පහු කාලයක බෙලිහුල්ඔය පැත්තේ ගල් ලෙනක වැඩඉන්න බව මට දැනගන්නට ලැබුණා. ඒ ස්වාමින්වහන්සේ අපේ අයියගෙ ගෙදර හදපු අලුත මමත් සමග සතියක් පමණ එහි වැඩසිටියා. උන්වහන්සේ මගේ බොහොම කළණමිතුරු ස්වාමින්වහන්සේ නමක්.
මම උන්වහන්සේ බැහැදකින්නට බෙලිහුල්ඔය වැඩියා. ඒ ප්රදේශයට කියන්නෙ නියඳගල කියල. ස්වාමින්වහන්සේ සමග රාත්රියක් ධර්ම කරුණු සාකච්ඡා කරමින් ගල්ලෙනේ වැඩසිටියා. උදේ දානය ගමේ සත්පුරුෂයන් පූජා කළා. ස්වාමින්වහන්සේ පිණ්ඩපාතය වැඩලා තමයි දානය ගන්නේ. එදා මම වැඩ සිටිය නිසා ඒ ගෙනාපු දානය වැලඳුවා. උන්වහන්සේගේ ධුතාංගධාරී බව, අල්පේච්ඡතාව මම ඒ තුළින් දුටුවා.
ඉන් අනතුරුව අපි වඩින්න හදන කොට ස්වාමින්වහන්සේ මට දුක හිතෙන කතාවක් කිව්වා.
‘අපි ආයෙ හමුවෙන්නෙ නෑ. තව ටික දවසකින් මේ ඉහළ කන්ද නාය ඇවිත් මේ ගල්ලෙන යට වෙනවා. ඒ මගේ ජීවිතේ අවසානය. ඒ කර්මයට මම මුහුණ දෙන්න ඕනෙ. ඒක විපාක ගෙවන්නම ඕනෙ අකුසල කර්මයක්. ඒ අකුසලය නොතිබුණා නම් මගේ මේ ජීවිතය, සංසාර ගමනෙ අවසන් ආත්මය වෙනවා. ඒ කර්ම ශක්තිය ගෙවා මේ ජීවිතයෙන් චුතවී ඉන් පසුව මම බ්රහ්ම ලෝකයට වඩිනවා. ආයෙ මනුලොවට එන්නෙ නෑ. මගේ ජීවිත කතාව එතැනින් ඉවර වෙනවා….’ උන්වහන්සේ මට පැවැසුවා.
‘කළණ මිත්රයෙක් ලෙසින් සංසාර ගමනේ මට ගුණධර්ම වඩන්න ඔබ වහන්සේ කළ උපකාරයන්ට ගොඩක් පින්…’ කියා මට ආශීර්වාද කළා.
අපි බොහොම සංවේගයෙන් එදා ආපසු ශ්රීපාද පද්මය වන්දනා කරන්න වැඩියා.
ටික දවසකට පසුව උන්වහන්සේ කියපු විදියටම ඒ කන්ද නාය ගිහින් ගල් ලෙන යටවුණා හොයාගන්නවත් බැරි විදියට. හමුදාවෙ දරුවන් සතියක් පමණ වෙහෙස වුණත් ගල් ලෙන හොයාගන්න බැරි වුණා.
ස්වාමින්වහන්සේ එදා උදෙත් ගමට පිණ්ඩපාත වැඩම කරලා තියෙනව සුපුරුදු පරිදිම. ගමේ මිනිසුන්ට කියලා තියෙනවා අද කන්ද නායයනව පරිස්සමට ඉන්න කියලා.
කන්ද නාය යනකොට ගමේ මිනිසුන් දැකලා තියෙනව මහා ආලෝකයක් අහසට පැනනගින ආකාරය. උන්වහන්සේ කියූ පරිදිම භව ගමන නිමා කරන්න බ්රහ්ම ලෝකෙට වඩින්න ඇති.
ජීවිතය කියන්නෙම අප්රමාදී විහරණය පිණිස අපිට ලැබුණු තෑග්ගක්…’
(පූජ්යපාද බටපොළ කෝලිත ස්වාමින්වහන්සේ විසින් තැබූ සටහනකි)
ඒ උත්තම ආර්ය මහා සංඝරත්නයට සදා නමස්කාර වේවා…
(මේ නායයෑම සිදුවූ දින News 1st මාධ්ය ආයතනයේ මාධ්යවේදීන් ඇතුළු කණ්ඩායමක් අදාළ ස්ථානයට ගොස් එම සිදුවීම වාර්තා කර ඇති අතර, ඊට අදාළ ප්රවෘත්ති වීඩියෝව පහත දැක්වේ.)
