ඉන්දීය නාවික හමුදාවට අයත් ‘INS Delhi’ යුද නෞකාව නිල සංචාරයක් සඳහා ඊයේ (1) උදෑසන කොළඹ වරායට සේන්දු විය.Sri Lanka Latest News
ඉන්දීය ආරක්ෂක ඇමැති රාජ්නාත් සිං මහතාගේ ශ්රී ලංකා සංචාරයට පැය කිහිපයක් තබා මෙම යුද නෞකාව කොළඹ වරායට පැමිණ තිබීම විශේෂ සිදුවීමක් විය.
නමුත් ඊයේ රාත්රියේ ඉන්දීය ආරක්ෂක අමාත්යංශය හදිසියේම නිවේදනය කළේ ආරක්ෂක අමාත්යවරයාගේ ලංකා සංචාරය නොවැළැක්විය හැකි හේතුවක් මත අවලංගු කළ බවකි.
කෙසේ වෙතත් ශ්රී ලංකා නාවික හමුදාව විසින් එම නෞකාව නාවික හමුදා සම්ප්රදායානුකූලව පිළිගැනීමට කටයුතු කෙරිණි.
දිගින් මීටර් එකසිය හැට තුනයි දශම දෙකක් (163.2) හා නැව් මුළුව හාරසිය පනහක (450) ගෙන් සමත්විත වන නෞකාවේ අණදෙන නිලධාරී, කපිතාන් අභිෂේක් කුමාර් (Captain Abhishek Kumar) සහ බටහිර නාවික විධානයේ ආඥාපති රියර් අද්මිරාල් සුරේෂ් ද සිල්වා අතර, නිල හමුවක් අද උදෑසන බටහිර නාවික විධාන මූලස්ථානයේදී සිදුකෙරිණි.
එමෙන්ම, ‘INS Delhi’ නෞකාව දිවයිනේ රැඳී සිටින කාලසීමාව තුල එහි නැව් මුළුව ශ්රී ලංකා නාවික හමුදාව විසින් දෙරටේ නාවික හමුදාවන් අතර සුහදත්වය වැඩිදියුණු කිරීම වෙනුවෙන් සංවිධානය කරනු ලබන වැඩසටහන් සඳහා සහභාගීවීමට මෙන්ම, දිවයිනේ වැදගත් ස්ථාන නැරඹීම සඳහා ප්රදේශ කිහිපයක සංචාරය කිරීමටද නියමිතව ඇත.
සැප්තැම්බර් මස 03 වන දින දිවයිනෙන් පිටත්ව යන අවස්ථාවේ ශ්රී ලංකා නාවික හමුදා නෞකාවක් සමඟ බටහිර නාවික විධානයට අයත් මුහුදු තීරයේදී නාවික අභ්යාසයක නිරත වීමටත් නියමිතව ඇත.
#INSDelhi, @indiannavy first indigenously designed & built guided missile destroyer, arrived at #Colombo today on a two-day visit that coincides with the visit by the Hon'ble #RakshaMantri Shri @rajnathsingh to Sri Lanka. pic.twitter.com/72qRxKGDKA
— Defence PRO Visakhapatnam (@PRO_Vizag) September 1, 2023
