ශ්රී ලංකා පාර්ලිමේන්තුවේ මහා පරිමාණයෙන් සිදුවන අලුත්වැඩියා කටයුතු මේ වන විට ආරම්භ කර තිබෙනවා.Sri Lanka Latest News
අමාත්ය මණ්ඩල අනුමැතිය යටතේ, වසර 42කට අධික කාලයකට පසු මෙලෙස ශ්රී ලංකා පාර්ලිමේන්තු සංකීර්ණයේ සිදුවන අලුත්වැඩියා කටයුතු කථානායක වෛද්ය ජගත් වික්රමරත්න මහතාගේ උපදෙස් මතසිදු කරන බවයි සඳහන් වෙන්නේ.
ඒ අනුව පාර්ලිමේන්තු සංකීර්ණයේ කොන්ක්රීට් වහල (Roof Terrace) මත තිබෙන පස් තට්ටුව ඉවත්කොට අලුත්වැඩියා කිරීමේ කටයුතු මේ දිනවල සිදුවෙනවා.
එමෙන්ම වැහි පිහිලි (Roof Gutters), තඹ දොර (Copper Door), පාර්ලිමේන්තු වෛද්ය මධ්යස්ථානය (Parliament Medical Center), වැසිකිළි පද්ධතිය (Washrooms) සහ ගරු පාර්ලිමේන්තු මන්ත්රීවරුන්ගේ විවේකාගරයේ (Members Dressing Room) අලුත් වැඩියා කටයුතු මෙලෙස සිදු කෙරෙන බවයි වාර්තා වෙන්නේ.
මෙයට පෙර පාර්ලිමේන්තු සංකීර්ණයේ සුළු නඩත්තු කටයුතු සම්බන්ධිකරණ ඉංජිනේරු දෙපාර්තමේන්තුව මගින් සිදු කළද මෙම මහා පරිමාණ අලුත්වැඩියා කටයුතු ශ්රී ලංකා යුධ හමුදාවේ ශ්රම දායකත්වයෙන් සිදු කරනු ලබනවා.
