රට තුළ ටයර් හිගයක් මතුව ඇති අවස්ථාවේ විශාල ටයර් තොගයක් මුදාගත නොහැකිව වරාය තුළ සිරව ඇති බව දැනගන්නට තිබේ.
මේ හේතුවෙන් පෞද්ගලික බස් රථ පමණක් නොව ලංගම බස් රථ රැසක්ද නව ටයර් නොමැතිව ගාල් කොට ඇති බව වාර්තා වේ.
පසුගිය දිනවල නැවත පිරවූ හෙවත් ‘රීබිල්ඩ්’ ටයර් යොදා මෙම බස්රථ ධාවනය කළද ඒ සදහා ඉහළ මිලක් මේ වනවිට අයකරන බව පැවසේ.
වෙනදා රුපියල් 9000ක් පමණ ඒ සදහා වියදම් වුවද මේ වනවිට ඊට රුපියල් 14,000ක් පමණ වැයවන බවද දැනගන්නට තිබේ.
මේ හේතුවෙන් වරායේ සිරව ඇති ටයර් තොගය වහාම මුදාහැරීමට පියවර ගන්නා ලෙස බස් රථ හිමියන් ආණ්ඩුවෙන් ඉල්ලා ඇති බවද දැනගන්නට ඇත.
