රසායනික පොහොර ලබා දෙන ලෙසට බල කරමින් ඇලහැර ව්යාපාරයේ ගොවීන් 600කට වැඩි පිරිසක් අද දින බකමූණ නගරයේ විරෝධතාවයක නිරතවූහ.
කෘෂිකර්ම අමාත්ය මහින්දානන්ද ඇමතිවරයා ලෙස සැරසුනු පුද්ගලයන් පිරිසක් මිනී පෙට්ටියක් ඔසවාගෙන ගොවියාට ආණ්ඩුව මරණය උදා කළ බව පෙන්වා දෙමින් විරෝධතාවයේ නිරතවූහ.
ලබන 25 වන දින තම ව්යාපාරයට ගොවිතැන් කටයුතු සදහා ජලය නිකුත් කිරීමට තීරණය කර ඇති අතර පොහොර ලබා නොදෙන්නේනම් තමන් ගොවිතැනින් ඉවත් වන බව විරෝධතාකරුවන් කියා සිටියහ.
ඒහිදී වැඩිදුරටත් අදහස් දැක්වූ විරෝධතාකරුවන් කියා සිටියේ පසුගියදා පෙර කන්න රැස්වීමේදී ලබන 25 වන දින ඇලහැර ව්යාපාරයේ වගා කටයුතු සදහා ජලය නිකුත් කරන බවයි. ඒහෙත් තම වගා කටයුතු ආරම්භ කිරීමට ජලය නිකුත් කරන දින තීන්දු කළද වගාවට අවශ්ය පොහොර ලබා දෙන දිනයක් සම්බන්ධව කිසිදු නිළධාරියෙක් ප්රකාශ නොකිරීම හේතුවෙන් තමන්ට වගාව සම්බන්ධව අවධානමක් ගත නොහැකි බවයි. -ලංකාදීපකාදීප
