යාපනය අධ්යාපන කලාප කාර්යාලය යටතේ පවතින පාසල් එළැඹෙන සතියක කාලයක් තාවකාලිකව වසා දැමීමට යාපනය දිස්ත්රික් කොවිඩ් මර්දන කමිටුව තීරණය කොට ඇත.
යාපනය මහජන සෞඛ්ය පරීක්ෂක නිලධාරීන් පැවසූවේ යාපනය මහනගර සභා සීමාව හා යාපනය තිරුනෙල්වේලි ප්රදේශය පුරා කොවිඩ් රෝගීන් වාර්තාවීම ඉහළ අගයක් ගැනීම හේතුවෙන් දරුවන්ගේ ආරක්ෂාව තකා යාපනය කලාප අධ්යාපන කාර්යාලීය සීමාවේ පාසල් පමණක් තාවකාලිකව වසා දැමීමට තීරණය කොට ඇති බවයි.
උතුරු පළාත් ආණ්ඩුකාරතුමියගේ නිර්දේශ යටතේ උතුරු පළාත් අධ්යාපන අමාත්යාංශයේ ලේකම් වෙත අදාළ තීරණය ක්රියාත්මක කිරීමට දිස්ත්රික් කොව්ඩ් මර්දන කමිටුව තීරණය කොට ඇති බවද මහජන සෞඛ්ය පරීක්ෂක නිළධාරීන් සඳහන් කර සිටියේය.
යාපනය දිස්ත්රික්කය තුළින් පමණක් ඊයේ (27) දිනයේ කොවිඩ් වෛරස් ආසාදිතයින් 143 දෙනෙකු වාර්තා වු බව උතුරු පළාත් සෞඛ්ය අධ්යක්ෂක ඒ.කේදීශ්වරන් සඳහන් කළේය.
