ජනතාවට බිය, ජනමතය නුරුස්සන අකාර්යක්ෂම වත්මන් ආණ්ඩුව පැය 24 පුරාම දවස් 365ම මැතිවරණය පැවැත්වීම වැළැක්වීමේ තත්ත්වයකට පත්ව ඇති බවත් මැතිවරණය සඳහා වෙන්කළ මුදල් ලබා නොදෙමින් මැතිවරණ කොමිසමට සහ අධිකරණයේ විනිසුරුවන්ට බලපෑම් කරමින් මැතිවරණය කඩාකප්පල් කිරීමට වත්මන් ජනාධිපතිවරයා ප්රමුඛ ආණ්ඩුව උත්සාහ දරන්නේ මැතිවරණ සඳහා මුහුණ දීමට ඇති බිය නිසා බවත් විපක්ෂ නායකවරයා පැවසීය.
එසේම ත්රස්ත විරෝධී පනත සහ විකාශන අධිකාරියක් ඇති කිරීමේ පනත වැනි පනත් හරහා ජනතාව නැගී සිටීම පාලනය කරමින් ජනතාව මර්ධනය කිරීමට උත්සාහ දරන බවත් ඒ යටතේ මාධ්ය මර්ධනය සහ ජනතාව සිය අයිතීන් වෙනුවෙන් නැගී සිටීමේදී ත්රස්තවාදීන් ලෙස හැදින්වීම සිදු කරමින් මානව අයිතින් සහ මූලික අයිතීන් පවා උල්ලංඝනය කිරීමට ආණ්ඩුව කටයුතු කරන බවත් විපක්ෂ නායකවරයා අවධාරණය කළේය.
මේ යන ආකාරයට ජනතාවගේ ප්රජාතන්ත්රීය අයිතිය මූලික අයිතිය සහ මානව අයිතිය උල්ලංඝනය වන බැවිනි ඊට විරුද්ධව සිවිල් සංවිධාන සහ පුරවැසියන් ජාති ආගම් කුල භේදයකින් තොරව එක්ව සටන් කළ යුතු බව විපක්ෂ නායක සජිත් ප්රේමදාස මහතා අවධාරණය කළේය.
