ශ්රී ලංකාව පළමු තැනට ගෙන ඒම තම අරමුණ බවත් ඒ ඉලක්කය කරා යන ගමනේ දී මේ රටේ අධ්යාපන ක්ෂේත්රයේ දැවැන්ත පරිවර්ථනාත්මක, විප්ලවීය වෙනසක් සිදු කළ යුතු බවට තමන් විශ්වාස කරන බවත් සමගි ජන බලවේග රජයක් තුළ ඉංග්රීසි භාෂාව, තොරතුරු තාක්ෂණය, බයෝ තාක්ෂණය, කෘතීම බුද්ධිය සහ පරිගණ විද්යාව මෙරට හතලිස් තුන් ලක්ෂයක් වන පාසල් දූ දරුවන්ට ලබා දීමට සීඝ්රගාමී වැඩපිළිවෙළක් ක්රියාත්මක බවත්, කඩිනම් වැඩසටහනක් හරහා දීප ව්යාප්තව නව තාක්ෂණය මෙරට පාසල් පද්ධතිය තුළ ව්යාප්ත කරන බවත් එම වගකීම වෙන වෙන පුද්ගලයන්ට පවරනවා සේම තමන් ද සෘජුවම ඒ සඳහා මැදිහත් වන බවත් විපක්ෂ නායක සජිත් ප්රේමදාස මහතා සඳහන් කළේය.
සම්ප්රදායික විපක්ෂ භූමිකාව වෙනුවට නූතනවාදී විපක්ෂයක් ලෙස සමගි ජනබලවේගය කටයුතු කරන බවත් රාමුවෙන් පිට නව සම්ප්රදායක් තමන් විසින් හදුන්වා දුන් බවත් කී විපක්ෂ නායකතුමා හුස්ම සහ සක්වල එහි ප්රතිඵලයක් බවද පැවසීය.
74 වසරක් දූපත් මානසිකත්වයකින් ප්රතිගාමී, පසුගාමී, චින්තනය තුළ රට බංකොලොත් කළ කණ්ඩායම බවත් ඔවුන්ගේ අදහස් ගැන නොසිතා ලෝකය සමග තරග කළ යුතු බවත් ඒ සඳහා අවැසි දක්ෂම දරුවන් සහ පුරවැසියන් අප රට තුළ සිටින බවත් ඔවුන් විශ්වාස කරමින් නව ගමනක් ආරම්භ කර ඇති බවත් විපක්ෂ නායකවරයා සඳහන් කර සිටියේය.
නිදහස් නිවහල් අධ්යාපනය තවතවත් ශක්තිමත් කිරීම වෙනුවෙන් විපක්ෂ නායක සජිත් ප්රේමදාස මහතාගේ සංකල්පයක් ලෙස ක්රියාත්මක සක්වල ට සමගාමීව 41වන බස් රථය ලෙස ලක්ෂ 50කට වැඩි වටිනාකමින් යුත් බස් රථයක් මැදකොළඹ ෆාතිමා මුස්ලිම් බාලිකා විද්යාලයට පිරිනැමීමේ අවස්ථාවට එක්වෙමින් විපක්ෂ නායක සජිත් ප්රේමදාස මහතා මේ බව කියා සිටියේය.
මූලික අයිතිවාසිකම් සම්බන්ධයෙන් නව විග්රහයක් තමන් සතුව පවතින බවත් එහි දී සිවිල්, දේශපාලන හා මානව අයිතිවාසිකම්වලට අමතරව ආර්ථිය, සමාජීය, ආගමික හා සංස්කෘතික අයිතිවාසිකමට අමතරව අධ්යාපන අයිතිය ද රටේ මූලික අයිතියක් බවට පත් කරන බවත් එසේ පත් කිරීමෙන් අනතුරුව කිසිදු භේදයකින් තොරව සෑම දරුවකුටම සම අධ්යාපනයක් ලබා ගත හැකි තත්ත්වයක් රට පුරා ක්රියාත්මක කරන බවත් විපක්ෂ නායකවරයා සඳහන් කර සිටියේය.
