දේශබන්දු තෙන්නකෝන් අත්අඩංගුවට ගන්නා ලෙස මාතර අධිකරණ විසින් ලබාදුන් නියෝගය බල රහිත කරන ලෙස ඉදිරිපත් කළ රිට් පෙත්සම සලකා බැලීම අවසන් වී තිබෙනවා.Sri Lanka Latest News
ඒ අනුව එහි තීන්දුව එළැඹෙන 17 වැනිදා ප්රකාශයට පත් කරන බවයි අභියාචනාධිකරණය අද (12) නියෝග කළේ.
2023 වසරේ වැලිගම පැලෑන ප්රදේශයේ හෝටලයක් ඉදිරිපිට සිදු වූ වෙඩි තැබීමකදී කොළඹ අපරාධ කොට්ඨාසයේ නිලධාරීයෙකු ජීවිතක්ෂයට පත්ව තවත් නිලධාරියෙකු තුවාල ලැබීමේ සිද්ධිය සම්බන්ධයෙන් පොලිස්පති දේශබන්දු තෙන්නකෝන් මහතා ඇතුළු 08 දෙනෙකු අත්අඩංගුවට ගෙන අධිකරණයට ඉදිරිපත් කරන ලෙස මාතර මහේස්ත්රාත් අධිකරණය පසුගිය පෙබරවාරි 27 වනදා නියෝගයක් නිකුත් කර තිබෙනවා.
කේසේ වෙතත් දේශබන්දු තෙන්නකෝන් මහතා අත්අඩංගුවට ගැනීම සඳහා අපරාධ පරික්ෂණ දෙපාර්තමේන්තුව ස්ථාන රැසක් පරීක්ෂා කළ ද ඒ කිසිදු ස්ථානයක දේශබන්දු තෙන්නකෝන් මහතා නොසිටීම හේතුවෙන් තවමත් ඔහු අත්අඩංගුවට ගැනීමට ලැබී නැහැ.
මේ පිළිබඳ අපරාධ පරික්ෂණ දෙපාර්තමේන්තුව අධිකරණයට කරුණු වාර්තා කිරීමේ පසු පොලිස්පති දේශබන්දු තෙන්නකෝන් මහතා දුටු තැන අත්අඩංගුවට ගන්නා ලෙසට සඳහන් කරමින් මාතර මහේස්ත්රාත් අධිකරණය ඊයේ (11) විවෘත වරෙන්තුවක් නිකුත් කළා.
