අද පෙරවරුවේ හිටපු අගමැති මහින්ද රාජපක්ෂ මහතා සහ අගමැති දිනේෂ් ගුණවර්ධන යන මහත්වරුන් විසින් කැඳවූ හදිසි ආණ්ඩු පක්ෂ මන්ත්රී කණ්ඩායම් රැස්වීමට අධිකරණ අමාත්ය විජයදාස රාජපක්ෂ මහතා සහභාගී නොවීමට ඉඩ ඇති බව වාර්තා වේ.
22 වන සංශෝධනය සම්බන්ධයෙන් පොහොට්ටුවේ මන්ත්රීවරුන් රැසක් ඒ මහතාගෙන් ප්රශ්න කිරීමට සූදානමින් සිටින බවට තොරතුරු වාර්තා වී තිබීම මේ සදහා හේතු වී ඇති බව දැනගන්නට තිබේ.
පොහොට්ටුව දැනටමත් ප්රකාශ කොට ඇත්තේ 22වන සංශෝධනයට සහාය දීමට නම් කොන්දේසි 2ක් ඉටු කළ යුතු බවය.
ඉන් පළමුවැන්න වී ඇත්තේ ද්විත්ව පුරවැසියන්ට පාර්ලිමේන්තු මන්ත්රීවරුන් ලෙස කටයුතු කිරීමේ හැකියාව පැවතීමය.
දෙවන කොන්දේසිය වී ඇත්තේ වසර හතරහමාරක් යන තුරු ජනාධිපතිවරයාට පාර්ලිමේන්තුව විසුරුවා හැරිය නොහැකි බවට වූ වගන්තියක් ඇතුළත් කිරීමය.
