පරාජිත පොහොට්ටු චෞර වළල්ල අද නැවත නැගී සිටීමට උත්සාහ කරමින් සිටින්නේ වත්මන් ජනාධිපතිවරයා තනාදුන් වැල් පාලමෙන් බව විපක්ෂ නායක සජිත් ප්රේමදාස මහතා පැවසීය.
සාමාන්යයෙන් ජනතාව ජනාධිපතිවරයෙකු පත්කර ගන්නේ රට ගොඩනගන්නට එම ජනාධිපතිවරයාට ඇති වැඩ පිළිවෙල මත බව පැවසූ විපක්ෂ නායකතුමා එහෙත් වර්තමාන ජනාධිපතිවරයාව පොහොට්ටු මන්ත්රීවරුන් විසින් පත් කර ගත්තේ පොරොන්දු තුනක් මත බව පැවසීය.පිච්චුන ගෙවල් වලට වන්දි ලබා ගැනීම,ආරක්ෂාව සලසා දීම,වසර හතරකට මැතිවරණ සිතියම හකුළුවා දීම ඒ පොරොන්දු බව පැවසූ විපක්ෂ නායකතුමා,වත්මන් ජනාධිපතිවරයා විසින් ඒවා ඉටු කරමින් සිටින බව ද පැවසීය.
විපක්ෂ නායකතුමා මේ බව පවසා සිටියේ අද(16)පොල්ගහවෙලදී පැවති සමගි ජන බලවේගයේ ආසන බල මණ්ඩල රැස්වීමක් අමතමිනි.
අද ලෝක ආහාර දිනය බවත්,මේ රටේ ජනතාවට කන්න නැති කරමින් ගොවියා නැති භංග කරපු ඇමතිවරයා නියෝජනය කරන ආසනයෙන් නැවතත් පරාජිත පොහොට්ටු කල්ලිය නැගිටීමට රැස්වීමක් සංවිධානය කොට ඇති බවත් මෙය දෛවයේ සරදමක් බවත් විපක්ෂ නායකතුමා පැවසීය.
රටක ආහාර සුරක්ෂිතතාවය පවත්වා ගැනීම සඳහා එකිනෙකට සම්බන්ධ මූලිකාංග හතරක් පිළිපැදිය යුතු බව පැවසූ විපක්ෂ නායකතුමා ඒ, සැමවිටම හිඟයකින් තොර ප්රමාණවත් භෞතික ආහාර තොග පවත්වා ගැනීම, සියලු ආහාර වර්ග මහජනයාට මිලදී ගත හැකිවන පරිදි මිල මට්ටම පවත්වා ගැනීම, ගෘහස්තයක සිටින සියලු දෙනාගේම පෝෂණ අවශ්යතා ඉටුවන පරිදි ආහාර ලබාගැනීමේ හැකියාව පවත්වා ගැනීම ,අඛණ්ඩ ස්ථාවර ආහාර සැපයුම් දාමයක් පවත්වා ගැනීම
යන කරුණු බව පැවසූ විපක්ෂ නායකතුමා වූ වර්තමාන ආණ්ඩුව ඒ සියල්ලෙන් අසමත් බවද පැවසීය.
අළු පිස දමා නැගිටින්නට හදන රැස්වීම සංවිධානය කොට ඇත්තේ සමගි ජන බලවේගය කාර්යාලය පොලීසියෙන් වටකොට සාමාජිකයින් අත්අඩංගුවට ගැනීමෙන් බව පැවසූ විපක්ෂ නායකතුමා, අද පවත්වන රැස්වීමෙන් පසුව තමන් ද නාවලපිටියේ රැස්වීමකට පැමිණෙන බව පැවසීය.
